| qvid loqvar avt scyllam nisi qvam fama secvta est | 6.74.1 |
| Scyllae duae fuerunt, una Phorci et Creteidos {⁴³nymphae}⁴³ filia, {⁴³virgo}⁴³ | |
| pulcherrima. quam cum amaret Glaucus, deus marinus, dum ipse | |
| amaretur a Circe et eam contemneret, illa irata fontem, in quo se | |
| Scylla solebat abluere, infecit venenis: in quem cum descendisset | 5 |
| puella, media sui parte in feras mutata est. hanc postea Glaucus | |
| fecit deam marinam, quae classem Vlixis et socios evertisse narra- | |
| tur. {⁴³quidam Scyllam hanc a Neptuno amatam dicunt et per Amphi- | |
| triten, coniugem Neptuni, metuentem paelicis formam, venenis Circes | |
| in monstrum marinum esse mutatam.}⁴³ altera vero Scylla fuit Nisi, | 10 |
| Megarensium regis, filia. contra quos dum, devictis iam Athenien- | |
| sibus, pugnaret Minos propter filii Androgei interitum, quem Athe- | |
| nienses et Megarenses dolo necaverant, {⁴³ad}⁴³amatus a Scylla est, Nisi | |
| filia, quae ut hosti posset placere, comam purpuream parenti ab- | |
| scisam ei obtulit, quam Nisus ita habuerat consecratam, ut tamdiu | 15 |
| regno potiretur, quamdiu illam habuisset intactam. postea et Scylla, | |
| a Minoe contempta, {⁴³vel}⁴³ dolore, {⁴³quod contempta esset, vel <quod> quasi | |
| parricida a Minoe ad puppim religata tracta sit,}⁴³ in avem {⁴³Cirim}⁴³ con- | |
| versa est, et Nisus extinctus deorum miseratione in avis mutatus | |
| est formam: quae aves hodie, ut ipse in georgicis docet, | 20 |
| flagrant inter se magna discordia. modo ergo Vergilius aut poeta- | |
| rum more miscuit fabulas et nomen posuit pro nomine, ut diceret | |
| 'Scyllam Nisi' pro 'Phorci'—sicut alibi "domitus Pollucis ha- | |
| benis Cyllarus", cum Castor equorum domitor fuerit; item "et | |
| manibus Procne pectus signata cruentis", cum Philomelae, | 25 |
| non Procnes, abscisa sit lingua—: aut certe sit hysteroproteron, | |
| ut quasi utriusque fabulae videatur facere commemorationem, ut | |
| intellegamus 'quid loquar Scyllam Nisi, aut quam fama secuta est, | |
| candida succinctam latrantibus inguina monstris, Dulichias vexasse | |
| rates': aut certe 'aut' bis accipiamus 'quid loquar aut Scyllam | 30 |
| Nisi, aut quam fama secuta est', ut est illud in primo "non | |
| ignara mali miseris succurrere disco". |