| LXIX | |
| Noli admirari quare tibi femina nulla, | 69.1 |
| Rufe, velit tenerum supposuisse femur, | |
| non si illam rarae labefactes munere vestis | |
| aut perluciduli deliciis lapidis. | |
| laedit te quaedam mala fabula, qua tibi fertur | 5 |
| valle sub alarum trux habitare caper. | |
| hunc metuunt omnes; neque mirum: nam mala valdest | |
| bestia, nec quicum bella puella cubet. | |
| quare aut crudelem nasorum interfice pestem, | |
| aut admirari desine cur fugiant. | 10 |