| Sed quoniam adhibenda nonnunquam est, primum | 209.8 |
| videndum est quo loco, deinde quam diu retinenda sit, | |
| tum quot modis commutanda. adhibenda est igitur | 210.1 |
| numerosa oratio, si aut laudandum est aliquid ornatius, | |
| ut nos in Accusationis secundo de Siciliae laude dixi- | |
| mus aut in senatu de consulatu meo, aut exponenda | |
| narratio, quae plus dignitatis desiderat quam doloris, | 5 |
| ut in quarto Accusationis de Hennensi Cerere, de Se- | |
| gestana Diana, de Syracusarum situ diximus. saepe | |
| etiam in amplificanda re concessu omnium funditur | |
| numerose et volubiliter oratio. id nos fortasse non | |
| perfecimus, conati quidem saepissime sumus; quod | 10 |
| plurimis locis perorationes nostrae voluisse nos atque | |
| animo contendisse declarant. id autem tum valet, cum | |
| is qui audit ab oratore iam obsessus est ac tenetur. | |
| non enim id agit, ut insidietur et observet, sed iam | |
| favet processumque volt dicendique vim admirans non | 15 |
| anquirit quid reprehendat. |