| iii Id. Apr. 53 | |
| TULLIUS TIRONI S. | |
| Andricus postridie ad me venit quam exspectaram; itaque | 16.14.1.1 |
| habui noctem plenam timori<bu>s ac miseriis. tuis litteris | |
| nihilo sum factus certior quo modo te haberes, sed tamen | |
| sum recreatus. ego omni delectatione litterisque omnibus | |
| careo, quas ante quam te videro attingere non possum. | 5 |
| Medico mercedis quantum poscet promitti iubeto. id | |
| scripsi ad Ummium. audio te animo angi et medicum dicere | 2.1 |
| ex eo te laborare. si me diligis, excita ex somno tuas litteras | |
| humanitatemque, propter quam mihi es carissimus. nunc | |
| opus est te animo valere ut corpore possis. id cum tua tum | |
| mea causa facias a te peto. Acastum retine, quo commodius | 5 |
| tibi ministretur. conserva te mihi. dies promissorum adest, | |
| quem etiam repraesentabo si adveneris. | |
| Etiam atque etiam vale. | |
| III Id. h. VI. |