| c. med. Dec. 58 | |
| CICERO ATTICO SAL. | |
| Post tuum datae discessum litterae mihi Roma adlatae sunt ex | 3.25.1.1 |
| quibus perspicio nobis in hac calamitate tabescendum esse. | |
| neque enim (sed bonam in partem accipies) si ulla spes salutis | |
| nostrae subesset, tu pro tuo amore in me hoc tempore discessis- | |
| ses. sed ne ingrati aut ne omnia velle nobiscum una interire | 5 |
| videamur, haec omitto; illud abs te peto, des operam, id quod | |
| mihi adfirmasti, ut te ante Kal. Ian. ubicumque erimus sistas. |