| Quemadmodum sinapem facias | |
| Semen sinapis diligenter purgato et cribrato; deinde aqua fri- | 12.57.1.1 |
| gida eluito et, cum fuerit bene lotum, duabus horis in aqua sinito; | |
| postea tollito, et manibus expressum in mortarium nouum aut bene | |
| emundatum adicito et pistillis conterito. cum contritum fuerit, | |
| totam intritam ad medium mortarium contrahito et comprimito | 5 |
| manu plana; deinde cum compresseris, scarifato, et, inpositis paucis | |
| carbonibus uiuis, aquam nitratam suffundito, ut omnem amaritudi- | |
| nem eius et pallorem exaniet. deinde statim mortarium erigito, ut | |
| omnis umor eliquetur. post hoc album acre acetum adicito et pistillo | |
| permisceto colatoque. hoc ius ad rapa condienda optime facit. | 10 |
| ceterum, si uelis ad usum conuiuiorum praeparare, cum exaniaueris | 2.1 |
| sinape, nucleos pineos quam recentissimos et amylum adicito dili- | |
| genterque conterito, infuso aceto. cetera, ut supra dixi, facito. hoc | |
| sinapi ad embamma non solum idoneo sed etiam specioso uteris; | |
| nam est candoris eximii, si sit curiose factum. | 5 |