| De insitionibus arborum | |
| Quartum illud genus insitionis iam docuimus, cum de uitibus | 5.11.12.1 |
| disputauimus; itaque superuacuum est hoc loco repetere traditam | |
| rationem terebrationis. sed cum antiqui negauerint posse omne | |
| genus surculorum in omnem arborem inseri et ex illa definitione, | |
| qua[e] nos ante paulo usi sumus, ueluti quan<dam> legem sanxerint | 5 |
| eos tantum surculos posse coalescere, qui sint cortice ac libro et | |
| fructu consimiles is arboribus, quibus inseruntur, existimauimus | |
| errorem et huius opinionis discutiendum tradendamque posteris | |
| rationem, qua possit omne genus surculi omni generi arboris inseri. | |
| quod ne longiore exordio legentem fatigemus, unum quasi | 13.1 |
| exemplum subiciemus, quo possit omne genus surculi dissimilibus | |
| arboribus inseri. |