| Sagittarius autem, spectans ad occasum, | 3.26.1.1 |
| Centauri corpore figuratur, uelut mittere incipiens | |
| sagittam, a pedibus usque ad humeros in hiemali cir- | |
| culo conlocatus, ita ut caput solum eius extra eum | |
| circulum, quem supra diximus, adparere uideatur; | 5 |
| cuius arcus lacteo circulo medius diuiditur. Ante | |
| pedes huius est quaedam corona stellis effecta, de qua | |
| prius diximus. Hic praeceps occidit, exoritur directus. | |
| Habet autem in capite stellas duas, in arcu duas, in sa- | |
| gitta unam, in dextro cubito unam, in manu priore | 10 |
| unam, in uentre unam, in interscapilio duas, in cauda | |
| unam, in priore genu unam, in pede unam, in infe- | |
| riore genu unam, in poplite unam. Omnino quinde- | |
| cim. Corona autem Centauri est stellarum septem. |