| Aquarius pedes habet in hiemali circulo de- | 3.28.1.1 |
| fixos, manum autem sinistram usque ad Capricorni | |
| porrigens tergus, dextra iubam Pegasi prope coniun- | |
| gens, spectat ad ortum. Qui cum ita sit figuratus, ne- | |
| cesse est corpore eum prope resupinato uideri. Effu- | 5 |
| sio aquae peruenit ad eum Piscem qui solitarius figu- | |
| ratur, de quo posterius dicemus. Sed Aquarius et oc- | |
| cidit et exoritur capite prius quam reliquis membris. | |
| Hic habet in capite stellas duas obscuras, in utrisque | |
| humeris singulas magnas, in sinistro cubito unam | 10 |
| grandem, in manu priore unam, in utrisque mammis | |
| singulas obscuras, in lumbo interiore unam, in | |
| utrisque genibus singulas, in dextro crure unam, in | |
| utrisque pedibus singulas. Omnino quattuordecim. | |
| Effusio aquae cum aquali ipso stellarum est triginta, | 15 |
| sed in his omnibus prima et nouissima clara [uidetur]. |