| SERMO | |
| Haec sunt quae inter utramque partem necessario conveniunt. | 309.8.1 |
| DECLAMATIO | |
| Negat optionis expletum esse ius, quod ante optaverit quam certum | 9.1 |
| esset rapuisse eum contra quem optabat. Ego autem in lege nullam | |
| animadverto differentiam, et hoc unum exceptum, ut rapta raptoris | |
| mortem optet. Viderimus an in controversiam res adducta sit postea; | |
| interim certum est hunc fuisse raptorem. Ergo cum et tu rapta esses et | 5 |
| hic raptor esset et lex raptae optare permitteret et tu optaveris, non video | |
| quare non finitum ius sit. 'At postea tu negasti te esse raptorem.' Ideo | 10.1 |
| victus sum. Feci, si vis, improbe (differo enim istius rei defensionem), | |
| feci temere: quid tamen aliud quaeri potuit in illo iudicio quam hoc, an | |
| tu merito optasses? Probasti raptorem fuisse me, hoc est, probasti te | |
| recte optasse. Volui rescindere optionem tuam; non contigit. | 5 |