| SERMO | |
| Haec circa ius, illa circa aequitatem. | 309.11.1 |
| DECLAMATIO | |
| Bis optare vis quod etiam semel multum est. Potestatem tibi vitae ac | 12.1 |
| necis lex dedit; ultra regnum omne, ultra tyrannidem omnem est hoc diu | |
| licere. Fulmina ipsa velociter cadunt; habet finem aliquem expectationis | |
| securis illa carnificis. Si mortem optasses et nuptias optare velles, | 13.1 |
| videreris †enim† facere contra legem, et esset qui diceret: 'ante | |
| deliberasses, ante dispexisses; emissa vox est, potestatem tuam ipsa | |
| finisti.' Nunc vero cum optaveris nuptias, mortem optare vis. Quae ista | |
| ad crudelitatem paenitentia est? Intellexit et ipsa quam saevum, quam | 14.1 |
| crudele sit. Plus enim postea mali feci? Ignovisti quod rapueram, | |
| ignovisti quod abstuleram virginitatem; haec nuptiis aestimasti: morte | |
| aestimas verecundiam? Neque ego, cum me rapuisse negarem, nuptias | 15.1 |
| tuas recusabam: volebam ducere non tamquam raptor, cum me hoc | |
| modo putarem fore cariorem, si tibi iniuriam non fecissem; vel fallere | |
| animum tuum volui, ne irascereris. | |
| Sed et ipsi iudices hoc pronuntiaverunt, hoc spectaverunt. Quaesti- | 16.1 |
| onem enim fuisse putas an ego rapuissem? Cum ego dicerem: 'Non | |
| rapui, non hi mores sunt mei: honeste semper vixi, frugaliter vixi. Quae | |
| probatio huius criminis mei, quis testis?', dicebantur illa contra: 'Pericli- | |
| taris, et male tecum agitur? Nuptiae sunt de quibus litigas.' Fecerunt | 5 |
| iudices quod parentes nostri fecissent; id pronuntiaverunt in quo victus | |
| gratias ageret. | |
| Sed spe suspendit, et vult videri nunc quoque factura quod fecit. Si | 17.1 |
| beneficium vitae repetere vis, dedisti: non possum plus debere si repetis. | |
| Quam autem causam habes renovandae optionis si optatura nuptias es? | |
| Si vindicari vis a me metu, timui; si rogari vis, rogo, et rogo per illam | |
| clementiam tuam, rogo iam tamquam maritus; et intellego tota mihi vita | 5 |
| hoc agendum, ut satisfaciam. |