| Legati filius victima pestilentiae | |
| Qui pestilentia laborabant miserunt legatum ad oraculum petendum. | 326.pr.1 |
| Responsum est ei filium ipsius immolandum esse. Ille nuntiavit civitati | |
| sacra desiderari; filio verum confessus est. Sacris finitis pestilentia non est | |
| finita. Filius processit in contionem et se ipse interfecit. Finita pestilentia | |
| reus est legatus laesae rei publicae. | 5 |
| DECLAMATIO | |
| Existimaveram, iudices, consecutum esse me hoc saltem, ut sanguine | 1.1 |
| meo servata civitas datae salutis grata meminisset, atque eo magis quod | |
| filius meus non necessitate immolatus erat sed voluntate. Verum hoc | 2.1 |
| adeo in contrarium cessit ut inventi sint in hoc populo qui, rem nescio | |
| indignatione magis dolendam an vanitate ridendam, obiciant homini | |
| pestilentiam. Et remedium deberi diis inmortalibus putant, si quid vero | |
| passi sumus tali remedio dignum, nostrae infirmitati adsignatur. | 5 |