| SERMO | |
| Haec circa ius, illa iam circa aequitatem. | 340.10.1 |
| DECLAMATIO | |
| Quae passurus est hic puer domino redditus? Sine dubio <ultima>. | 11.1 |
| Novimus istam negotiationem, et frequentissima in foro videmus iudicia | |
| talium iniuriarum. Fortasse etiam natus est ingenuus, fortasse rapto ex | |
| aliquo litore praetextam Fortuna reddidit. Illud est tamen quod nos | |
| magis confundat: videtur mangoni puer pretiosus, timuit ne magno | 5 |
| aestimaretur. Ista species in quacumque servitute miserabilis foret. | 12.1 |
| Rogamus vos, iudices, cogitetis quam multa facere possit adversus | |
| puerum mango iratus. Aut illi fortasse pretium excisa virilitate producet, | |
| aut ob †infelicis† contumeliae annos venibit in aliquod lupanar. Res est | |
| nobis cum homine qui non erubescit, nihil reservat: etiam periculose | 5 |
| avarus est. Quos cultus accipiet qui praetextam habuit? Ego vobis allego | 13.1 |
| etiam ipsum illud sacrum praetextarum quo sacerdotes velantur, quo | |
| magistratus, quo infirmitatem pueritiae sacram facimus ac venerabilem. |