| Pars Altera | |
| SERMO | |
| Ut sepeliatur superstitione sola effici potest: ut in comparatione legum | 274.10.1 |
| illud potentissime dicamus, eam legem magis esse servandam quae | |
| deorum gratia scripta sit quam quae hominum: adversus tyranni ultionem | |
| hominibus tantum esse scriptam, et scriptam levissimam partem ultionis; | |
| hoc vero quod constitutum est, ut quo quisque loco fulmine ictus esset | 5 |
| eodem sepeliretur, religionis esse. | |
| DECLAMATIO | |
| Neque hoc propter personam neque in honorem alicuius scripsisse | 11.1 |
| potest legum lator videri, sed in reverentiam deorum. Fas non est visum | |
| movere ictum illum: quomodo sederant flammae, ita concremandum | |
| corpus universum putaverunt. Existimatis locum illum corpori datum? | |
| Fulmini datus est. 'At tyrannus fulmine percussus est.' Hoc magis omnia | 12.1 |
| religiose et cum cura deorum facere debemus. 'Sed in foro sepelietur | |
| tyrannus.' [quam magis] Mihi inter cetera etiam hoc quoque provisum | |
| esse fato a diis inmortalibus videtur, quod illi loco destinatus est: nemo | |
| inire forum nostrum poterit quin videat illud sepulchrum. Protinus | 13.1 |
| enim sequatur cogitatio necesse est: tyrannus fuit ille, et fulmine ictus | |
| est, et ob hoc poenas diis inmortalibus dedit. Quotiens noxios cruci | |
| figimus, celeberrimae eliguntur viae, ubi plurimi intueri, plurimi com- | |
| moveri hoc metu possint. Omnis enim poena non tam ad delictum | 5 |
| pertinet quam ad exemplum. |