| Ad tumorem et raucitatem arteriae et vocis abscisionem | |
| Ad arteriam exasperatam simplicia quidem haec faciunt: | 72.1 |
| commi Alexandrinum vel tracantum per se sub lingua retentum; compo- | |
| sitio autem haec est. * * * | |
| Ad tumorem arteriae papaveris silvatici iam maturi, viridis | 73.1 |
| tamen adhuc, capita quam plurima vase fictili coniciuntur aquaque su- | |
| perfunduntur, ut supernatet duobus tribusve digitis. haec ubi triduo ma- | |
| cerata fuerint, eodem vase coquuntur, donec demadescant; postea ex- | |
| primuntur capita omnisque aquae percolatae prius diligenter mensura | 5 |
| capitur, ad cuius modum mellis Attici quarta pars miscetur; deinde per | |
| duplex vas coquitur, donec mellis habeat spissitudinem. hoc medicamen- | |
| tum et ad arteriae tumorem et ad tussim facit. | |
| Altera arteriace ad fluorem et raucitatem arteriae. item ex ea | 74.1 |
| ad tussim et abscisum sonum vocis. tragacanthi 𐆖 p. VI, commis Alex- | |
| andrinae 𐆖 p. VI, myrrhae 𐆖 p. I, thuris 𐆖 p. II, croci 𐆖 p. I, piperis | |
| albi grana XX, caryotarum recentium trium pulpas medias detracta ex- | |
| teriore cute interioribusque venis vel uvae passae novae et incorruptae | 5 |
| purgatis interioribus granis 𐆖 p. VIII. commi et tragacanthum passo Cre- | |
| tico uno die et una nocte macerari oportet et postero die pila et pilo mun- | |
| do contundere et cetera trita mortario curiose admiscere, inde dare fabae | |
| magnitudine globulum sub lingua tenere devorantem quod liquefactum | |
| fuerit. hoc medicamentum pipere detracto et ad tumorem arteriae facit, | 10 |
| servandum autem puxide buxea. | |
| Arteriace, qua melior non est, refertur autem ad Asclepiaden | 75.1 |
| nostrum, facit ad omnia superius dicta efficacius et quicquid in arteria | |
| vitii est. constat ex his: myrrhae optimae pinguis 𐆖 p. XXIIII, trag- | |
| acanthi candidi 𐆖 p. XXXVIII, glycyrizae radicis 𐆖 p. XVIII, resinae | |
| terebinthinae verae 𐆖 p. XVIII. tragacanthum sicut est contundere et | 5 |
| per cribrum tenuibus foraminibus eicere oportet; deinde myrrham tri- | |
| tam seorsum admiscere et rursus utraque in unum diu terere atque ita in | |
| pilam coicere, et ibi cum concaluerint ictu pili, terebinthinam paulatim | |
| miscere, donec omnium unitas fiat. postea glycyrizam contusam et cri- | |
| bratam mortarioque nihilominus tritam sensim aspergere oportet. ubi | 10 |
| haec bene mixta fuerint, dum calet medicamentum, plures accedant et | |
| pilulas faciant magnitudinis viciae. fit enim durissima haec arteriace et | |
| hoc ipso praecedit ceteras, quia linguae subiecta non facile solvitur et ita | |
| diutius exhibet suum effectum. |