| Fratres Pancratiastae | |
| Malae tractationis sit actio. | 5.3.pr.1 |
| Quidam duos filios pancratiastas instituit; eduxit ad | |
| Olympia. cum conpositi essent, ut simul pugnarent, ac- | |
| cessit ad pugnantes pater et ait abdicaturum se, si quis | |
| perdiderit. conmortui sunt iuvenes et decreti his divini | 5 |
| honores. reus fit pater malae tractationis ab uxore. | |
| Tertius sine sorte pugnasti et utrumque vicisti. stetit cruen- | 1.1 |
| tus pater; iam perierant et adhuc minabatur. moriuntur non | |
| alter ab altero, sed uterque a patre. misera mater non odisse | |
| non potest, qui filium suum occidit. iuvenes invicti, nisi habuis- | |
| sent patrem. pii iuvenes nec parricidium patri negare potuistis. | 5 |
| vincere propter parricidium nolunt, vinci propter abdicationem. | |
| 'abdico eum, qui victus erit'. demens, meliorem abdicaturus es. | |
| invoco Iovem, cuius Olympia parricidiis polluta sunt. | |
| Pars altera. Non facturus dixi et, si facturus, pro gloria dixi. | |
| non debeo in invidia solus esse, cum luctus communis sit. omnes | 10 |
| aiebant fratres conlusuros. minatus sum, non ut filiis metum in- | |
| ponerem, sed ut populo satis facerem. |