| Tum fere anno octogesimo post Troiam | 1.2.1.1 |
| captam, centesimo et uicesimo quam Hercules ad | |
| deos excesserat, Pelopis progenies, quae omni hoc | |
| tempore, pulsis Heraclidis, Peloponnesi imperium | |
| obtinuerat, ab Herculis progenie expellitur. Duces | 5 |
| recuperandi imperii fuere Temenus, Cresphontes, | |
| Aristodemus, quorum abauus fuerat. Eodem fere | |
| tempore, Athenae sub regibus esse desierunt, quarum | |
| ultimus rex fuit Codrus, Melanthi filius, uir non | |
| praetereundus. Quippe cum Lacedaemonii graui | 10 |
| bello Atticos premerent respondissetque Pythius, | |
| quorum dux ab hoste esset occisus, eos futuros | |
| superiores, deposita ueste regia, pastoralem cultum | |
| induit, immixtusque castris hostium, de industria | |
| imprudenter rixam ciens, interemptus est. | 15 |
| Codrum | 2.1 |
| cum morte aeterna gloria, Athenienses secuta uictoria | |
| est. Quis eum non miretur, qui his artibus mortem | |
| quaesierit, quibus ab ignauis uita quaeri solet? | |
| Huius filius Medon primus archon Athenis fuit. | 5 |
| Ab hoc posteri apud Atticos dicti Medontidae: | |
| sed hic insequentesque archontes usque ad Charo- | |
| pem, dum uiuerent, eum honorem usurpabant. | |
| Peloponnesii digredientes finibus Atticis Megara, | |
| mediam Corintho Athenisque urbem, condidere. | 10 |
| Ea tempestate et Tyria classis, plurimum pollens | 3.1 |
| mari, in ultimo Hispaniae tractu, in extremo nostri | |
| orbis termino, <in> insula circumfusa Oceano, | |
| perexiguo a continenti diuisa freto, Gades condidit. | |
| Ab iisdem post paucos annos in Africa Vtica condita | 5 |
| est. Exclusi ab Heraclidis Orestis liberi iactatique | |
| cum uariis casibus tum saeuitia maris, quinto decimo | |
| anno sedem cepere circa Lesbum insulam. |