| Horum XVI annorum opera, quis, cum | 2.126.1.1 |
| inserta sint oculis animisque omnium, [in] partibus | |
| eloquatur? Sacrauit parentem suum Caesar non | |
| imperio, sed religione, non appellauit eum, sed fecit | |
| deum. | 5 |
| Reuocata in forum fides, summota e foro | 2.1 |
| seditio, ambitio campo, discordia curia, sepultaeque | |
| ac situ obsitae iustitia, aequitas, industria ciuitati | |
| redditae; accessit magistratibus auctoritas, senatui | |
| maiestas, iudiciis grauitas; compressa theatralis | 5 |
| seditio, recte faciendi omnibus aut incussa uoluntas | |
| aut imposita necessitas: | |
| honorantur recta, praua | 3.1 |
| puniuntur, suspicit potentem humilis, non timet, | |
| antecedit, non contemnit humiliorem potens. Quando | |
| annona moderatior, quando pax laetior? Diffusa in | |
| orientis occidentisque tractus et quidquid meridiano | 5 |
| aut septentrione finitur, pax augusta per omnes | |
| terrarum orbis angulos a latrociniorum metu seruat | |
| immunes. | |
| Fortuita non ciuium tantummodo, sed | 4.1 |
| urbium damna principis munificentia uindicat. Res- | |
| titutae urbes Asiae, uindicatae ab iniuriis magistra- | |
| tuum prouinciae; honor dignis paratissimus, poena | |
| in malos sera, sed aliqua: superatur aequitate gratia, | 5 |
| ambitio uirtute; | |
| nam facere recte ciues suos prin- | 5.1 |
| ceps optimus faciendo docet, cumque sit imperio | |
| maximus, exemplo maior est. |