| Tum Sulla, contracto exercitu, ad urbem | 2.19.1.1 |
| rediit eamque armis occupauit, XII auctores nouarum | |
| pessimarumque rerum, inter quos Marium cum filio | |
| et P. Sulpicio, urbe exturbauit ac, lege lata, exules | |
| fecit. Sulpicium etiam adsecuti equites in Lauren- | 5 |
| tinis paludibus iugulauere caputque eius erectum | |
| et ostentatum pro rostris uelut omen imminentis | |
| proscriptionis fuit. | |
| Marius, post sextum consulatum | 2.1 |
| annumque LXX, nudus ac limo obrutus, oculis | |
| tantummodo ac naribus eminentibus, extractus | |
| arundineto circa paludem Maricae in quam se fugiens | |
| consectantes Sullae equites abdiderat, iniecto in | 5 |
| collum loro, in carcerem Minturnensium iussu | |
| duumuiri perductus est. | |
| Ad quem interficiendum | 3.1 |
| missus cum gladio seruus publicus, natione Germanus, | |
| qui forte ab imperatore eo bello Cimbrico captus | |
| erat, ut agnouit Marium, magno eiulatu expro- | |
| mente indignationem casus tanti uiri, abiecto gladio, | 5 |
| profugit e carcere. | |
| Tum ciues, ab hoste misereri | 4.1 |
| paulo ante principis uiri docti, instructum eum | |
| uiatico collataque ueste in nauem imposuerunt. | |
| At ille adsecutus circa Aenariam filium cursum in | |
| Africam direxit inopemque uitam in tugurio rui- | 5 |
| narum Carthaginiensium tolerauit, cum Marius aspi- | |
| ciens Carthaginem, illa intuens Marium, alter alteri | |
| possent esse solacio. |