| At Pontius Telesinus, dux Samnitium, | 2.27.1.1 |
| uir animi bellique fortissimus penitusque Romano | |
| nomini infestissimus, contractis circiter XL milibus | |
| fortissimae pertinacissimaeque in retinendis armis | |
| iuuentutis, Carbone ac Mario consulibus, abhinc | 5 |
| annos CXI, Kal. Nouembribus ita ad portam Colli- | |
| nam cum Sulla dimicauit ut ad summum discrimen | |
| et eum et rem publicam perduceret, | |
| quae non maius | 2.1 |
| periculum adiit, Hannibalis intra tertium miliarium | |
| castra conspicata, quam eo die quo circumuolans | |
| ordines exercitus sui Telesinus dictitansque adesse | |
| Romanis ultimum diem uociferabatur eruendam | 5 |
| delendamque urbem, adiiciens numquam defuturos | |
| raptores Italicae libertatis lupos, nisi silua, in quam | |
| refugere solerent, esset excisa. | |
| Post primam demum | 3.1 |
| horam noctis et Romana acies respirauit et hostium | |
| cessit. Telesinus postera die semianimis repertus est, | |
| uictoris magis quam morientis uultum praeferens, | |
| cuius abscisum caput ferri gestarique circa Praeneste | 5 |
| Sulla iussit. | |
| Tum demum, desperatis rebus suis, C. Marius | 4.1 |
| adulescens per cuniculos qui miro opere fabricati | |
| in diuersas agrorum partes fuerunt conatus erum- | |
| pere, cum foramine e terra emersisset, a dispositis | |
| in id ipsum interemptus est. | 5 |
| Sunt qui sua manu, | 5.1 |
| sunt qui concurrentem mutuis ictibus cum minore | |
| fratre Telesini una obsesso et erumpente occubuisse | |
| prodiderint. Vtcumque cecidit, hodieque tanta patris | |
| imagine non obscuratur eius memoria. De quo | 5 |
| iuuene quid existimauerit Sulla in promptu est; | |
| occiso enim demum eo, Felicis nomen adsumpsit, | |
| quod quidem usurpasset iustissime, si eundem et | |
| uincendi et uiuendi finem habuisset. | |
| Oppugnationi autem Praenestis ac Marii prae- | 6.1 |
| fuerat Ofella Lucretius qui, cum ante Marianarum | |
| fuisset partium praetor, ad Sullam transfugerat. | |
| Felicitatem diei, quo Samnitium Telesinique pulsus | |
| est exercitus, Sulla perpetua ludorum circensium | 5 |
| honorauit memoria qui sub eius nomine Sullanae | |
| Victoriae celebrantur. |