| Cum deinde immanes res, uix multis | 2.46.1.1 |
| uoluminibus explicandas, C. Caesar in Gallia ageret | |
| nec contentus plurimis ac felicissimis uictoriis, | |
| innumerabilibusque caesis et captis hostium milibus | |
| etiam in Britanniam traiecisset exercitum, alterum | 5 |
| paene imperio nostro ac suo quaerens orbem, uetus | |
| par consulum, Cn. Pompeius et M. Crassus, alterum | |
| iniere consulatum, qui neque petitus honeste ab iis | |
| neque probabiliter gestus est. | |
| Caesari lege quam | 2.1 |
| Pompeius ad populum tulit, prorogatae in idem | |
| spatium temporis prouinciae, Crasso bellum Par- | |
| thicum in animo molienti Syria decreta: qui uir | |
| cetera sanctissimus immunisque uoluptatibus neque | 5 |
| in pecunia neque in gloria concupiscenda aut modum | |
| norat aut capiebat terminum. | |
| Hunc proficiscentem | 3.1 |
| in Syriam diris cum ominibus tribuni plebis frustra | |
| retinere conati: quorum execrationes si in ipsum | |
| tantummodo ualuissent, utile imperatoris damnum | |
| saluo exercitu fuisset rei publicae. | 5 |
| Transgressum | 4.1 |
| Euphraten Crassum petentemque Seleuciam cir- | |
| cumfusus immanibus copiis equitum rex Orodes | |
| una cum parte maiore Romani exercitus interemit. | |
| Reliquias legionum C. Cassius, atrocissimi mox | 5 |
| auctor facinoris, tum quaestor, conseruauit Sy- | |
| riamque adeo in populi Romani potestate retinuit | |
| ut transgressos in eam Parthos felici rerum euentu | |
| fugaret ac funderet. |