| IV.i | |
| Matrona Egone hic me patiar frustra in matrimonio, | 559 |
| ubi vir compilet clanculum quidquid domist | 560 |
| atque ea ad amicam deferat? Pen. Quin tu taces? | |
| manufesto faxo iam opprimes: sequere hac modo. | |
| pallam ad phrygionem cum corona ébrius | |
| ferebat, hodie tibi quam surrupuit domo. | |
| sed eccám coronam quám habuit. num mentior? | 565 |
| em hac ábiit, si vis persequi vestigiis. | |
| atque edepol eccum óptume revortitur; | |
| sed pallam non fert. Mat. Quid ego nunc cum illoc agam? | |
| Pen. Idem quod semper: male habeas; sic censeo. | |
| huc concedamus: ex insidiis aucupa. | 570 |