BELLVM SABINVM
  A Latinis adgressus est gentem Sabinorum, qui 1.10.1
inmemores factae sub Tito Tatio adfinitatis quodam
contagio belli se Latinis adiunxerant. sed Curio Dentato
consule omnem eum tractum, qua Nar, Anio fontesque
Velini, Hadriano tenus mari igni ferroque vastavit. qua 5
victoria tantum hominum, tantum agrorum redactum in
potestatem, ut in utro plus esset nec ipse posset aestimare
qui vicerat.