| SEDITIO C. GRACCHI | |
| Statim et mortis et legum fratris sui vindex non | 2.3.1 |
| minore impetu incaluit C. Gracchus. qui cum pari | |
| tumultu atque terrore plebem in avitos agros arcesseret, | |
| et recentem Attali hereditatem in alimenta populo pol- | |
| liceretur, iamque nimius et inpotens altero tribunatu | 5 |
| secunda plebe volitaret, obrogare auso legibus suis | |
| Minucio tribuno, fretus comitum manu fatali familiae | |
| suae Capitolium invasit. inde proximorum caede depul- | |
| sus cum se in Aventinum recepisset, inde quoque obvia | |
| senatus manu ab Opimio consule oppressus est. insul- | 10 |
| tatum quoque mortis reliquiis, et illud sacrosanctum | |
| caput tribuni plebis percussoribus auro repensatum. |