| Fronto Avidio Cassio salutem | |
| Iunius Maximus tribunus, qui laureatas Romam adtulit | 1.6.1.1 |
| litteras, non publico tantum munere strenue, sed privato etiam | |
| erga te officio amice functus est; ita de laboribus et consiliis tuis | |
| et industria et vigilantia praedicator ubique frequentissimus ex- | |
| titit. Ad me quidem minus valentem cum in suburbanam villam | 5 |
| venisset, numquam cessavit in vesperum usque fabulas nectere | |
| itinerum tuorum et disciplinae ad priscum morem institutae ac | |
| retentae; tum in agmine ducendo et manu conserenda strenuis- | |
| simi vigoris tui et consultissimae opportunitatis; prorsus ut nullus | |
| miles Plautinus de suis quam hic de tuis virtutibus gloriose prae- | 10 |
| dicaret, nisi quod Plautus de suo milite cum lepore, hic de te | |
| cum amore et cum summa fide. | |
| Dignus est quem diligas et suffragiis tuis ornes. Tuae pro- | 2.1 |
| priae gloriae addideris, quantum dignitati praedicatoris tui ad- | |
| struxeris. |
MCP server: latin-mcp.packhum.org