De aetatium finibus pueritiae, iuuentae, senectae, ex Tuberonis his- 10.28.pr.1
toria sumptum.
  Tubero in historiarum primo scripsit Seruium Tullium 1.1
regem, populi Romani cum illas quinque classes <seniorum
et> iuniorum census faciendi gratia institueret, pueros esse
existimasse, qui minores essent annis septem decem, atque
inde ab anno septimo decimo, quo idoneos iam esse rei- 5
publicae arbitraretur, milites scripsisse, eosque ad annum
quadragesimum sextum 'iuniores' supraque eum annum
'seniores' appellasse.
  Eam rem propterea notaui, ut discrimina, quae fuerint 2.1
iudicio moribusque maiorum pueritiae, iuuentae, senectae,
ex ista censione Serui Tulli, prudentissimi regis, noscerentur.