| XXXVI | |
| Viderat Ausonium posito modo crine ministrum | 9.36.1 |
| Phryx puer, alterius gaudia nota Iovis: | |
| 'Quod tuus, ecce, suo Caesar permisit ephebo, | |
| Tu permitte tuo, maxime rector' ait; | |
| 'Iam mihi prima latet longis lanugo capillis, | 5 |
| Iam tua me ridet Iuno vocatque virum.' | |
| Cui pater aetherius 'Puer o dulcissime,' dixit, | |
| 'Non ego, quod poscis, res negat ipsa tibi: | |
| Caesar habet noster similis tibi mille ministros | |
| Tantaque sidereos vix capit aula mares; | 10 |
| At tibi si dederit vultus coma tonsa viriles, | |
| Quis mihi, qui nectar misceat, alter erit?' |