| LIBER OCTAVVS | |
| C. PLINIVS SEPTICIO SVO S. | |
| Iter commode explicui, excepto quod quidam ex meis | 8.1.1.1 |
| aduersam ualetudinem feruentissimis aestibus contraxerunt. | |
| Encolpius quidem lector, ille seria nostra ille deliciae, exaspe- | 2.1 |
| ratis faucibus puluere sanguinem reiecit. Quam triste hoc | |
| ipsi, quam acerbum mihi, si is cui omnis ex studiis gratia | |
| inhabilis studiis fuerit! Quis deinde libellos meos sic leget, | |
| sic amabit? Quem aures meae sic sequentur? Sed di laetiora | 3.1 |
| promittunt. Stetit sanguis, resedit dolor. Praeterea continens | |
| ipse, nos solliciti, medici diligentes. Ad hoc salubritas caeli, | |
| secessus quies tantum salutis quantum otii pollicentur. Vale. |