| C. PLINIVS †ATRIO† SVO S. | |
| Librum, quem misisti, recepi et gratias ago. Sum tamen | 9.35.1.1 |
| hoc tempore occupatissimus. Ideo nondum eum legi, cum | |
| alioqui ualdissime cupiam. Sed eam reuerentiam cum litteris | |
| ipsis tum scriptis tuis debeo, ut sumere illa nisi uacuo animo | |
| inreligiosum putem. Diligentiam tuam in retractandis operi- | 2.1 |
| bus ualde probo. Est tamen aliquis modus, primum quod | |
| nimia cura deterit magis quam emendat, deinde quod nos a | |
| recentioribus reuocat simulque nec absoluit priora et inco- | |
| hare posteriora non patitur. Vale. | 5 |