| Non incunabula haec tibi, Caesar, et rudimenta, cum puer | 14.1.1 |
| admodum Parthica lauro gloriam patris augeres, nomenque | |
| Germanici iam tum mererere, cum ferociam superbiamque | |
| Parthorum ex proximo auditus magno terrore cohiberes, | |
| Rhenumque et Euphraten admirationis tuae societate con- | 5 |
| iungeres? cum orbem terrarum non pedibus magis quam | |
| laudibus peragrares, apud eos semper maior et clarior quibus | |
| postea contigisses? Et necdum imperator, necdum dei filius | 2.1 |
| eras. Germaniam <Hispaniam>que cum plurimae gentes ac | |
| prope infinita uastitas interiacentis soli, tum Pyrenaeus Alpes | |
| immensique alii montes nisi his comparentur, muniunt diri- | |
| muntque. Per hoc omne spatium cum legiones duceres seu | 3.1 |
| potius (tanta uelocitas erat) raperes, non uehiculum umquam, | |
| non equum respexisti. Leuis hic, non subsidium itineris sed | |
| decus [et cum] subsequebatur, ut cuius tibi nullus usus, nisi | |
| cum die statiuorum proximum campum alacritate discursus | 5 |
| puluere attolleres. Initium laboris mirer an finem? Multum | 4.1 |
| est quod perseuerasti, plus tamen quod non timuisti ne | |
| perseuerare non posses. Nec dubito quin ille qui te inter | 5.1 |
| ipsa Germaniae bella ab Hispania usque ut ualidissimum | |
| praesidium exciuerat, iners ipse alienisque uirtutibus tunc | |
| quoque inuidus imperator, cum ope earum indigeret, tantam | |
| admirationem tui non sine quodam timore conceperit, quan- | 5 |
| tam ille genitus Ioue post saeuos labores duraque imperia regi | |
| suo indomitus semper indefessusque referebat, cum aliis | |
| super alias expeditionibus itinere illo dignus inuenireris. |