| Est haec natura sideribus, ut parua et exilia ualidiorum | 19.1.1 |
| exortus obscuret: similiter imperatoris aduentu legatorum | |
| dignitas inumbratur. Tu tamen maior quidem omnibus eras, | 2.1 |
| sed sine ullius deminutione maior: eandem auctoritatem prae- | |
| sente te quisque quam absente retinebat; quin etiam plerisque | |
| ex eo reuerentia accesserat, quod tu quoque illos reuere- | |
| bare. Itaque perinde summis atque infimis carus, sic impera- | 3.1 |
| torem commilitonemque miscueras, ut studium omnium | |
| laboremque et tamquam exactor intenderes et tamquam | |
| particeps sociusque releuares. Felices illos, quorum fides et | 4.1 |
| industria non per internuntios et interpretes, sed ab ipso te | |
| nec auribus tuis sed oculis probabantur! Consecuti sunt ut | |
| absens quoque de absentibus nemini magis quam tibi crederes. |