| Sedulo ergo uitauit hunc casum, nec modo iudicium | 8.1.1 |
| hominum sed deorum etiam in consilium adsumpsit. Itaque | |
| non in cubiculo sed in templo, nec ante genialem torum sed | |
| ante puluinar Iouis optimi maximi adoptio peracta est, qua | |
| tandem non seruitus nostra sed libertas et salus et securitas | 5 |
| fundabatur. Sibi enim gloriam illam di uindicauerunt: | 2.1 |
| horum opus, horum illud imperium. Nerua tantum minister | |
| fuit, utque adoptaret, tam paruit quam tu qui adoptabaris. | |
| Adlata erat ex Pannonia laurea, id agentibus dis ut inuicti | |
| imperatoris exortum uictoriae insigne decoraret. Hanc im- | 3.1 |
| perator Nerua in gremio Iouis collocarat, cum repente solito | |
| maior augustiorque aduocata contione hominum deorumque | |
| te filium sibi, hoc est unicum auxilium fessis rebus adsumpsit. | |
| Inde quasi depositi imperii qua securitate qua gloria laetus | 4.1 |
| (nam quantulum refert, deponas an partiaris imperium? nisi | |
| quod difficilius hoc est), non secus ac praesenti tibi innixus, | |
| tuis umeris se patriamque sustentans tua iuuenta, tuo robore | |
| inualuit. Statim consedit omnis tumultus. Non adoptionis | 5.1 |
| opus istud sed adoptati fuit; atque adeo temere fecerat Nerua, | |
| si adoptasset alium. Oblitine sumus ut nuper post adoptionem | |
| non desierit seditio sed coeperit? Inritamentum istud irarum | |
| et fax tumultus fuisset, nisi incidisset in te. An dubium est ut | 6.1 |
| dare posset imperium imperator, qui reuerentiam amiserat, | |
| auctoritate eius effectum cui dabatur? Simul filius simul | |
| Caesar, mox imperator et consors tribuniciae potestatis, et | |
| omnia pariter et statim factus es, quae proxime parens uerus | 5 |
| tantum in alterum filium contulit. |