| Consultatum inde inter legatos quique alii senatorum | 2.74.1 |
| aderant quisnam Syriae praeficeretur. et ceteris modice | |
| nisis, inter Vibium Marsum et Cn. Sentium diu quaesitum: | |
| dein Marsus seniori et acrius tendenti Sentio concessit. | |
| isque infamem veneficiis ea in provincia et Plancinae per- | 5 |
| caram nomine Martinam in urbem misit, postulantibus | |
| Vitellio ac Veranio ceterisque qui crimina et accusationem | |
| tamquam adversus receptos iam reos instruebant. |