| Profectio arto comitatu fuit: unus senator consulatu | 4.58.1 |
| functus, Cocceius Nerva, cui legum peritia, eques Romanus | |
| praeter Seianum ex inlustribus Curtius Atticus, ceteri libe- | |
| ralibus studiis praediti, ferme Graeci, quorum sermonibus | |
| levaretur. ferebant periti caelestium iis motibus siderum | 5 |
| excessisse Roma Tiberium ut reditus illi negaretur. unde | |
| exitii causa multis fuit properum finem vitae coniectantibus | |
| vulgantibusque; neque enim tam incredibilem casum provi- | |
| debant ut undecim per annos libens patria careret. mox | |
| patuit breve confinium artis et falsi veraque quam obscuris | 10 |
| tegerentur. nam in urbem non regressurum haud forte | |
| dictum: ceterorum nescii egere, cum propinquo rure aut | |
| litore et saepe moenia urbis adsidens extremam senectam | |
| compleverit. |