| CLX Cupressum quo modo seras | |
| Semen cupressi quando legi, seri propagarique opor- | 151.1.1 |
| teat et quo pacto cupresseta seri oporteat, Minius | |
| Percennius Nolanus ad hunc modum monstra- | |
| uit: | |
| semen cupressi tarentinae per uer legi oportet; | 2.1 |
| materiem, ubi hordeum flauescit. id, ubi legeris, in sole | |
| ponito, semen purgato; id aridum condito, uti aridum | |
| expostum siet. per uer serito in loco, ubi terra tenerrima | |
| erit (quam 'pullam' uocant), ubi aqua propter siet: eum | 5 |
| locum stercorato primum bene stercore caprino aut | |
| ouillo, tum uortito bipalio; terram cum stercore bene | |
| permisceto, depurgato ab herba graminibusque, bene | |
| terram comminuito. | |
| areas facito pedes latas quaternos: | 3.1 |
| subcauas facito, uti aquam continere possint: inter eas | |
| sulcos facito, qua herbas de areis purgare possis; ubi areae | |
| factae erunt, semen serito crebrum, ita uti linum seri | |
| solet. eo cribro terram incernito, dimidiatum digitum | 5 |
| terram altam succernito: id bene tabula aut manibus aut | |
| pedibus complanato. | |
| si quando non pluet, uti terra si- | 4.1 |
| tiat, aquam inrigato leniter in areas; si non habebis | |
| unde inriges, gerito inditoque leniter. quotienscumque | |
| opus erit, facito uti aquam addas. si herbae natae erunt, | |
| facito uti ab herbis purges: quam tenerrimis herbis, et | 5 |
| quotiens opus erit, purges. per aestatem ita uti dictum | |
| est fieri oportet, et, ubi semen satum siet, stramentis | |
| operiri; ubi germen nascere coeperit, tum demi. | |
| CLXI De scopis uirgeis | |
| <De scopis uirgeis> q. a. m. Manlii monstrauerunt. in | 152.1.1 |
| diebus XXX, quibus uinum legeris, aliquotiens facito | |
| scopas uirgeas ulmeas aridas: in asserculo alligato. eabus | |
| latera doliis in[s]trinsecus usque bene perfricato, ne | |
| faex in lateribus adhaerescat. | 5 |
| CLXII De uino faecato | |
| Vinum faecatum sic facito: fiscinas olearias campanicas | 153.1.1 |
| duas illae rei habeto; eas faecis impleto sub pr[a]elum- | |
| que subdito exprimitoque. | |
| CLXIII Vinum emptoribus quo modo admetiaris | |
| Vinum emptoribus sine molestia quo modo admetiaris. | 154.1.1 |
| labrum culleare illae rei facito: id habeat ad summum | |
| ansas IIII, uti transferri possitur. id imum pertundito: | |
| ea fistulam subdito, uti opturarier recte possit, et | |
| ad summum, qua fini culleum capiet, pertundito. id in | 5 |
| suggestu inter dolia positum habeto, uti in culleum | |
| †deco† uinum salire possit. id impleto, postea obturato. | |
| CLXIV Per hiemem aquam de agro depellere | |
| Per hiemem aquam de agro depelli oportet. in | 155.1.1 |
| monte fossas inciles [pellere] puras habere oportet. | |
| prima autumnitate, cum puluis est, tum maxime ab | |
| aqua periculum est. cum pluere incipiet, familiam cum | |
| ferreis sarculisque exire oportet, incilia aperire, aquam | 5 |
| diducere in uias et <extra> segetem curare oportet uti | |
| fluat. | |
| in uilla, cum pluet, circumire oportet, sicubi | 2.1 |
| perpluat, et signare carbone; cum desierit pluere, uti te- | |
| gula mutetur. per segetem in frumentis aut in segete aut | |
| in fossis, sicubi aqua constat aut aliquid aquae obstat, id | |
| emittere, patefieri remouerique oportet. | 5 |
| CLXV De brassica quot medicamenta habeat et aliis ad | |
| medicinam pertinentibus | |
| De brassica quod concoquit. brassica est quae omni- | 156.1.1 |
| bus holeribus antistat. eam esto uel coctam uel crudam: | |
| crudam si edes, in acetum intinguito: mirifice conco- | |
| quit, aluum bonam facit, lotiumque ad omnes res salubre | |
| est. si uoles in conuiuio multum bibere cenareque libenter, | 5 |
| ante cenam esto crudam quantum uoles ex aceto, et item, | |
| ubi cenaueris, comesto aliqua V folia: reddet te quasi | |
| nihil ederis, bibesque quantum uoles. | |
| Aluum si uoles deicere superiorem, sumito brassi- | 2.1 |
| cae, quae leuissima erit, p. IIII: inde facito manipulos | |
| aequales tres colligatoque. postea ollam statuito cum | |
| aqua: ubi occipiet feruere, paulisper demittito unum ma- | |
| nipulum: feruere desistet; postea, ubi occipiet feruere, | 5 |
| paulisper demittito ad modum dum quinque numeres; | |
| eximito. | |
| item facito alterum manipulum, item ter- | 3.1 |
| tium. postea conicito, contundito, item eximito in lin- | |
| teum, exurgeto sucum quasi heminam in pocillum | |
| fictile: eo indito salis micam quasi eruum et cumini | |
| fricti tantum quod oleat; postea ponito pocillum in | 5 |
| sereno noctu. qui poturus erit, lauet calida, bibat | |
| aquam mulsam, cubet incenatus. | |
| postea mane bibat | 4.1 |
| sucum deambuletque horas IIII, agat, negotii si quid | |
| habebit. ubi libido ueniet, nausia apprehendet, de- | |
| cumbat purgetque sese: tantum bilis pituitaeque eiciet, | |
| uti ipse miretur, unde tantum siet. postea, ubi deor[i]sum | 5 |
| uersus ibit, heminam aut paulo plus bibat; si amplius | |
| ibit, sumito farinae minutae conchas duas, infriet in | |
| aquam, paulum bibat, constituet. | |
| uerum quibus tor- | 5.1 |
| mina molesta erunt, brassicam in aquam macerare opor- | |
| tet: ubi macerata erit, coicito in aquam calidam, co- | |
| quito usque donec commadebit bene, aquam defundito. | |
| postea salem addito et cumini paululum et pollinem | 5 |
| polentae eodem addito et oleum. | |
| postea feruefacito, in- | 6.1 |
| fundito in catinum, uti frigescat: eo interito quod uolet | |
| cibi, postea edit; sed, si poterit solam brassicam esse, | |
| edit. et si sine febre erit, dato uini atri duri: aquatum | |
| bibat quam minimum; si febris erit, aquam. id facito | 5 |
| cotidie mane. nolito multum dare, ne pertaedescat, uti | |
| possit porro libenter esse. ad eundem modum uiro et | |
| mulieri et puero dato. | |
| nunc de illis, quibus aegre lo- | 7.1 |
| tium it quibusque substillum est. sumito brassicam, | |
| coicito in aquam feruentem, coquito paulisper, uti sub- | |
| cruda siet; postea aquam defundito non omnem. eo | |
| addito oleum bene et salem et cumini paululum, in- | 5 |
| feruefacito paulisper; postea inde iusculum frigidum sor- | |
| bere et ipsam brassicam esse, uti quam primum ex- | |
| coquatur: cotidie id facito. |