| et torrere parant flammis et frangere saxo multi | 1.179.1 |
| hysteroproteron putant, non respicientes superiora, quia dixit undis | |
| Cererem esse corruptam, quam necesse fuerat ante siccari. qui | |
| tamen etiam contra hoc illo se tuentur exemplo "nunc torrete | |
| igni fruges, nunc frangite saxo" et volunt etiam hic hystero- | 5 |
| proteron esse. quod falsum est; nam et hodie siccari ante fruges | |
| et sic frangi videmus. et quia apud maiores nostros molarum usus | |
| non erat, frumenta torrebant et ea in pilas missa pinsebant, et | |
| hoc erat genus molendi. unde et pinsores dicti sunt, qui nunc | |
| pistores vocantur. pinsere autem dici Persius probat, ut "a tergo | 10 |
| quem nulla ciconia pinsit". {⁴³quidam ne hysteroproteron sit, alios | |
| torrere, alios frangere accipiunt. Accius Troadibus "nocturna saxo | |
| fruges franges torridas". sane his versibus 'tum Cererem corruptam | |
| undis' et 'torrere parant flammis et frangere saxo' ius pontificum | |
| latenter attingit. flamines autem farinam fermentatam contingere non | 15 |
| licebat. cum autem dicit 'Cererem corruptam undis' et 'torrere p. f. | |
| et f. s.', quid aliud ostendit, quam mox eos sine fermento panem | |
| coxisse, qui omnes fruges corruptas protulerunt? non autem exspectasse | |
| eos fermentum, docet illo versu 'tum victu revocant vires'.}⁴³ |