| DE SERUITUTE LEGATA | |
| Iulianus libro primo ex Minicio. Qui duas tabernas coniunctas habebat, eas | 33.3.1.pr.1 |
| singulas duobus legauit: quaesitum est, si quid ex superiore taberna in inferiorem inaedi- | |
| ficatum esset, num inferior oneri ferundo in superioris tabernae loco contineretur. re- | |
| spondit seruitutem impositam uideri. Iulianus notat: uideamus, ne hoc ita uerum sit, si | |
| aut nominatim haec seruitus imposita est aut ita legatum datum est: 'tabernam meam uti | 5 |
| nunc est do lego'. | |
| Marcellus libro tertio decimo digestorum. Fundum communem habentibus | 2.pr.1 |
| legari potest uia, cum et communis seruus recte uiam stipulatur et, cum duo ei qui ipse | |
| uiam stipulatus fuerit heredes exstiterint, non corrumpitur stipulatio. | |
| Idem libro uicesimo nono digestorum. Si fundum Maeuio et ad eum uiam | 3.pr.1 |
| per alium fundum et eundem fundum sine uia Titio legasset, si uterque fundum uindicasset, | |
| sine uia legato fundum cessurum, quia neque adquiri per partem seruitus possit. et si | |
| prius Maeuius fundum uindicaret altero deliberante, posse dubitari, an, si postea Titius | |
| omisisset, uiae legatum saluum esset, et hoc magis uidebatur: quamquam si sub condicione | 5 |
| quis fundum legasset, uiam pure, aut pro parte fundum pure, pro parte sub condicione et | |
| uiam sine condicione, si pendente ea legati dies cessisset, interiturum fore uiae legatum: | |
| ut responsum est, cum alteri ex uicinis, qui fundum communem habebant, uiam sub con- | |
| dicione, alteri pure legasse<t> et pendente condicione decessisset, quia alterius legatarii per- | |
| sona impedimento esset, quo minus solidus fundus cum uia uindicaretur. | 10 |
| Iauolenus libro nono epistularum. Si is qui duas aedes habebat unas mihi, | 4.pr.1 |
| alteras tibi legauit et medius paries, qui utrasque aedes distinguat, interuenit, eo iure eum | |
| communem nobis esse existimo, quo, si paries tantum duobus nobis communiter esset lega- | |
| tus, ideoque neque me neque te agere posse ius non esse alteri ita immissas habere: nam | |
| quod communiter socius habet, et in iure eum habere constitit: itaque de ea re arbiter | 5 |
| communi diuidundo sumendus est. | |
| Papinianus libro sexto decimo quaestionum. Etsi maxime testamenti factio | 5.pr.1 |
| cum seruis alienis ex persona dominorum est, ea tamen quae seruis relinquuntur ita ua- | |
| lent, si liberis relicta possent ualere: sic ad fundum domini uia seruo frustra legatur. | |
| Idem libro septimo responsorum. Pater filiae domum legauit eique per domus | 6.pr.1 |
| hereditarias ius transeundi praestari uoluit. si filia domum suam habitet, uiro quoque ius | |
| transeundi praestabitur: alioquin filiae praestari non uidebitur. quod si quis non usum | |
| transeundi personae datum, sed legatum seruitutis esse plenum intellegat, tantundem iuris | |
| ad heredem quoque transmittetur: quod hic nequaquam admittendum est, ne, quod affectu | 5 |
| filiae datum est, hoc et ad exteros eius heredes transire uideatur. | |
| Paulus libro uicesimo primo quaestionum. Cum a pluribus heredibus insti- | 7.pr.1 |
| tutis uia legata est, quia partem non recipit, singuli heredes in solidum conueniuntur, quia | |
| et uno ex heredibus adeunte uindicari potest. |