| DE REBUS AUCTORITATE IUDICIS POSSIDENDIS SEU | |
| UENDUNDIS | |
| Gaius libro uicesimo tertio ad edictum prouinciale. Uenire bona ibi | 42.5.1.pr.1 |
| oportet, ubi quisque defendi debet, id est | |
| Paulus libro quinquagensimo quarto ad edictum. ubi domicilium habet, | 2.pr.1 |
| Gaius libro uicesimo tertio ad edictum prouinciale. aut ubi quisque con- | 3.1.1 |
| traxerit. contractum autem non utique eo loco intellegitur, quo negotium gestum sit, sed | |
| quo soluenda est pecunia. | |
| Paulus libro quinquagesimo septimo ad edictum. Si seruus sub condicione | 4.1.1 |
| heres institutus sit aut dubium sit, an is heres liberque futurus sit, non est iniquum | |
| postulantibus creditoribus ita decerni, ut, si ante certum tempus is heres non extiterit, | |
| perinde omnia obseruentur, ac si is heres ita institutus non esset: quod plerumque acci- | |
| deret, si sub condicione dandae alicui pecuniae heres institutus sit nec dies adpositus sit. | 5 |
| sed hoc quantum ad bona ita obseruandum: ceterum libertas ei quandoque competet et | |
| a praetore conseruanda est, etiamsi certum sit neque heredem neque bonorum possessorem | |
| futurum. si quis tamen heredem se spondendo uel actiones patiendo defunctum defendat, | |
| bona defuncti uenire non poterunt. | |
| Ulpianus libro sexagesimo ad edictum. Si minor uiginti quinque annis, qui | 5.1.1 |
| habet curatores, a curatoribus non defendatur nec alium defensorem inueniat, bonorum | |
| uenditionem patitur, etsi non latitet, licet non fraudationis causa latitare uidetur, qui sui | |
| non est idoneus defensor. | |
| Paulus libro quinquagesimo octauo ad edictum. Si non expedierit pupillo | 6.1.1 |
| hereditatem parentis retinere, praetor bona defuncti uenire permittit, ut quod superauerit | |
| pupillo restituatur. Si pupillus, antequam abstineret, aliquid gesserit, seruandum est, | 1 |
| utique si bona fide gessit. Quid ergo, si quibusdam creditoribus soluit, deinde bona ue- | 2.1 |
| nierint? si quaeratur, an repetitio sit, ex causa id statuendum Iulianus ait, ne alterius | |
| aut neglegentia aut cupiditas huic, qui diligens fuit, noceat. quod si utroque instante tibi | |
| gratificatus tutor soluit, aequum esse aut prius eandem portionem mihi quaeri aut com- | |
| municandum quod accepisti: et hoc Iulianus ait. apparet autem loqui eum, si ex bonis | 5 |
| paternis solutum sit. quid ergo, si aliunde pupillus soluerit? reddi ei debebit nec ne? | |
| et utrum a creditore an ex hereditate? Scaeuola noster ait, si aliquid sit in bonis, dedu- | |
| cendum ex hereditate solidum exemplo eius, qui gessit negotia: sed si nihil sit in bonis, | |
| non esse iniquum aduersus creditorem dandam repetitionem quasi indebiti soluti. | |
| Gaius libro uicesimo tertio ad edictum prouinciale. Hereditarium aes alie- | 7.pr.1 |
| num intellegitur etiam id, de quo cum defuncto agi non potuit, ueluti quod is cum more- | |
| retur daturum se promisisset, item quod is, qui pro defuncto fideiussit, post mortem eius | |
| soluit. | |
| Ulpianus libro sexagensimo primo ad edictum. In uenditionem bonorum | 8.pr.1 |
| etiam usus fructus uenit, quia appellatione domini fructuarius quoque continetur. Si quis | 1.1 |
| fructus ex praedio debitoris capi poterit, hunc creditor, qui in possessionem praedii missus | |
| est, uendere uel locare debet: sed hoc ita demum, si ante <ne>que uenierit neque locatus | |
| erit. nam si iam a debitore uel locatus erat uel uenierat, seruabit praetor uenditionem et | |
| locationem a debitore factam, etsi minoris distractum est uel locatum, nisi si in fraudem | 5 |
| creditorum hoc fiat: tunc enim praetor arbitrium dat creditoribus, ut ex integro locationem | |
| uel uenditionem faciant. De ceterarum quoque rerum fructibus idem erit dicendum, ut, | 2.1 |
| si qui locari possint, locentur, puta mercedes seruorum uel iumentorum ceterorumque, | |
| quae possunt locari. De tempore locationis nihil praetor locutus est et ideo liberum ar- | 3.1 |
| bitrium creditoribus datum uidetur, quanto tempore locent, quemadmodum illud est in | |
| arbitrio eorum, uendant uel locent, scilicet sine dolo malo: ex culpa autem rei non fiunt. | |
| Si unus sit, qui possideat bona, expeditum erit de locatione: quod si non unus, sed plures | 4.1 |
| sint, quis eorum debeat locare uel uendere, quaeritur. et si quidem conuenit inter eos, | |
| expeditissimum est: nam et omnes possunt locare et uni hoc negotium dare: si uero non | |
| conuenit, tunc dicendum est praetorem causa cognita eligere debere, qui locet uel uendat. | |
| Idem libro sexagensimo secundo ad edictum. Praetor ait: 'Si quis, cum in | 9.pr.1 |
| possessione bonorum esset, quod eo nomine fructus ceperit, ei, ad quem ea res pertinet, | |
| non restituat: siue, quod impensae sine dolo malo fecerit, ei non praestabitur: siue dolo | |
| malo eius deterior causa possessionis facta esse dicetur, de ea re iudicium in factum dabo'. | |
| Quod de fructibus ait, etiam de ceteris, quaecumque ex re debitoris peruenerunt, intelle- | 1.1 |
| gendum est. et sane debuit hoc ita esse: quid enim, si ex compromisso uel alio casu | |
| poenam consecutus est? nam eam poenam, quam consecutus est, praestare debet. Quod | 2.1 |
| ait praetor 'siue quod impensae nomine sine dolo fecit, ei non praestabitur', hoc eo | |
| spectat, ut, si quid ipse erogauit creditor, si modo sine dolo malo erogauit, hoc ei prae- | |
| stetur: sufficit igitur sine dolo erogasse, etiamsi nihil profuit erogatio eius rei debitor<i>. | |
| His uerbis 'ad quem ea res pertinet' etiam curator bonis distrahendis datus continebitur | 3.1 |
| et ipse debitor, si contigerit, ne bona eius ueneant. et ipsi itaque creditori aduersus hos | |
| dabitur actio, quos enumerauimus, siue quid in fructibus percipiendis erogauit siue in fa- | |
| milia alenda curandaue praediis fulciendis uel reficiendis uel damno infecto promittendo | |
| uel seruo noxali iudicio defenso, si modo non magis eum expedit dedere quam retinere: | 5 |
| quod si dedere expedit, consequens erit repetere eum <non> debere. Generaliter etiam di- | 4.1 |
| cendum est, quidquid impendit in rem, si modo sine dolo malo impendit, repetere eum | |
| posse: nam negotiorum gestorum agere non magis potest quam si socius commune aedi- | |
| ficium fulsit, quia hic quoque creditor commune, non alienum negotium gessisse uidetur. | |
| Est praeterea quaesitum, si deteriora praedia facta fuerint sine dolo malo creditoris uel | 5.1 |
| iura eorum amissa uel aedificia diruta uel exusta, item familiae pecorumque acta cura non | |
| sit aut possessio alii tradita, sine dolo tamen malo, an teneatur. et apparet eum non teneri, | |
| quia dolo malo caret, eritque melior eius condicio quam in pignore creditoris, qui non | |
| tantum dolum malum, uerum culpam quoque debet. eadem causa est cura- | 5 |
| toris bonorum: nam et is tenetur ut creditores. In eum quoque, qui neque locauit fructum | 6.1 |
| praedii neque uendidit, in factum actionem dat praetor et in hoc condemnabitur, quanto | |
| minus propter hoc perceptum est, quia neque uendidit neque locauit. ceterum si tantum | |
| perceptum est, quantum perciperetur, si locatus uel distractus fructus esset, nihil ei im- | |
| putabitur. praestat autem per id tantum temporis, quo in possessionem fuit uel ipse uel | 5 |
| iussu eius alius, quoad inde de possessione discessum est: nam neque hoc imputatur cre- | |
| ditori, cur in possessionem non uenerit, neque illud, cur de possessione decesserit, cum | |
| uoluntarium et suum potius negotium creditor gerat. aestimatio autem fit, quantum inter- | |
| est eius qui experitur. Hae actiones neque temporariae sunt et tam heredibus quam in | 7.1 |
| heredes dabuntur ceterosque successores. Si possessionis causa deterior facta esse dicetur | 8.1 |
| dolo eius, qui in possessionem missus sit, actio in eum ex dolo datur, quae neque post | |
| annum neque in heredes ceterosque successores dabitur, cum ex delicto oriatur poenaeque | |
| nomine concipiatur, | |
| Paulus libro quinquagensimo nono ad edictum. nisi quatenus ad eum per- | 10.pr.1 |
| eunit. | |
| Ulpianus libro sexagesimo secundo ad edictum. Heredi autem dabitur, quia | 11.pr.1 |
| et rei continet persecutionem. | |
| Paulus libro quinquagesimo nono ad edictum. Cum unus ex creditoribus | 12.pr.1 |
| postulat in bona debitoris se mitti, quaeritur, utrum solus is qui petit possidere potest, | |
| an, cum unus petit et praetor permisit, omnibus creditoribus aditus sit. et commodius | |
| dicitur, cum praetor permiserit, non tam personae solius petentis, quam creditoribus et in | |
| rem permissum uideri: quod et Labeo putat. nec uidebitur libera persona adquirere alii, | 5 |
| quia nec sibi quicquam adquirit, cui praetor permittit, sed aliquid ex ordine facit: et ideo | |
| ceteris quoque prodest. plane si is postulauerit, qui creditor non est, minime dicendum | |
| est uel eum, qui creditor est, possidere posse, quia nihil egit talis postulatio: aliter atque | |
| si creditor, cui permissum est possidere, postea recepit debitum suum: ceteri enim poterunt | |
| peragere bonorum uenditionem. Is, qui possidere iubetur, eo loco iussus uidetur, cuius | 1.1 |
| cura ad iubentem pertinet. Si propter naturam rei (ueluti si praedium inundatum sit) | 2.1 |
| aut propter latronum potentiam non potest possidere, recte dicitur non esse quod pos- | |
| sideatur. | |
| Gaius libro uicesimo tertio ad edictum prouinciale. Quamuis possessa non | 13.pr.1 |
| sint bona, quia forte nihil fuerit, quod possideatur, aut sine controuersia non possideatur | |
| creditor qui in possessionem missus est, perinde habetur, ac si etiam possessa bona fuissent. | |
| Paulus libro quinquagensimo nono ad edictum. Creditore in possessionem | 14.pr.1 |
| rerum debitoris misso curator constitui debet, si quaedam actiones periturae sunt. Datur | 1.1 |
| in creditorem actio, qui in possessionem missus est, de eo quod ex bonis debitoris ad | |
| eum peruenit: si nondum sit aliquid consecutus, actiones suas praestabit. datur autem | |
| in factum actio aduersus eum et omne, quod in actionem negotiorum gestorum ueniret, | |
| si posset agi, restituendum a creditore. | 5 |
| Ulpianus libro sexagesimo secundo ad edictum. Cum plures creditores in | 15.pr.1 |
| possessionem rerum debitoris mittantur, n<e> corrumpantur rationes, uni hoc negotium a cre- | |
| ditoribus esse dandum, quem maior pars creditorum elegerit. ego puto creditoribus in- | |
| strumentorum etiam ἀναγραφὴν facere, non ut describant ipsa corpora instrumentorum, | |
| sed quot sint, de qua re sint, subnotent sibi et quasi inuentarium faciant: quod etiam uni- | 5 |
| uersorum facere eis erit permittendum. praeterea nonnumquam praetor causa cognita etiam | |
| describere aliquid ex instrumentis creditoribus debebit permittere, si qua idonea causa | |
| interueniat. Utrum semel an etiam saepius recognitio et dispunctio concedenda sit credi- | 1.1 |
| toribus, uideamus. et ait Labeo amplius quam semel non esse concedendam: si quis tamen, | |
| inquit, iurauerit non calumniae causa se postulare neque habere quae dispunxerit, iterum | |
| ei faciendam potestatem ait nec amplius quam bis. | |
| Gaius libro uicesimo quarto ad edictum prouinciale. Cum bona ueneunt de- | 16.pr.1 |
| bitoris, in comparation<e> extranei et eius, qui creditor cognatusue sit, potior habetur cre- | |
| ditor cognatusue, magis tamen creditor quam cognatus, et inter creditores potior is, cui | |
| maior pecunia debebitur. | |
| Ulpianus libro sexagesimo tertio ad edictum. Quaesitum est, utrum ita de- | 17.pr.1 |
| mum priuilegium habet funeraria, si is cuius bona ueneunt funeratus sit, an etiam si pro- | |
| ponas alium esse funeratum. et hoc iure utimur, ut quicumque sit funeratus, id est siue | |
| is, cuius de bonis agitur, siue quid is debuit, quod reddere eum, si uiueret, funeraria | |
| actione cogi oporteret, priuilegio locus sit paruique referre dicamus, qua actione hic sumptus | 5 |
| repetatur, funeraria an familiae erciscundae an qua alia, dummodo sumptus funeris causa | |
| factus sit. quacumque igitur actione ob funeris sumptum utatur, etiam funerariam ei com- | |
| petere. quare si in stipulatum funeris inpensa deducta est, dicendum est locum esse priui- | |
| legio, si modo quis non abiciendi priuilegii causa stipulatus est. Si sponsa | 1.1 |
| dedit dotem et nuptiis renuntiatum est, tametsi ipsa dotem condicit, tamen aequum est hanc | |
| ad priuilegium admitti, licet nullum matrimonium contractum est: idem | |
| puto dicendum etiam, si minor duodecim annis in domum quasi uxor deducta sit, licet | |
| nondum uxor sit: | 5 |
| Paulus libro sexagesimo ad edictum. (interest | 18.pr.1 |
| enim rei publicae et hanc solidum consequi, ut aetate permittente nubere possit) | |
| Ulpianus libro sexagesimo tertio ad edictum. dabimusque ex his causis ipsi | 19.pr.1 |
| mulieri priuilegium. Si quis, cum tutor non esset, pro tutore negotia gessit, priuilegio | 1.1 |
| locum esse manifestum est: nec interest, ipse debeat qui gessit siue heres eius ceterique | |
| successores. ipse autem pupillus habet priuilegium, sed eius successores non habent. sed | |
| aequissimum erit ceteros quoque, quibus curatores quasi debilibus uel prodigis dantur, | |
| Paulus libro sexagesimo ad edictum. uel surdo muto, | 20.pr.1 |
| Gaius libro uicessimo quarto ad edictum prouinciale. uel fatuo | 21.1.1 |
| Ulpianus libro sexagesimo tertio ad edictum. idem priuilegium competere. | 22.1.1 |
| Sed si bonis curator datus sit uel absentis uel ab hostibus capti uel dum deliberant | |
| scripti heredes de adeunda hereditate, non oportebit priuilegium dari: non enim in eadem | |
| causa est. | |
| Paulus libro sexagesimo ad edictum. Si negotium impu- | 23.pr.1 |
| beris aliquis ex officio amicitiae gesserit, debet bonis eius uenditis priuilegium pupillo con- | |
| seruari: et ita accepi. | |
| Ulpianus libro sexagesimo tertio ad edictum. Si uentri curator datus sit nec | 24.pr.1 |
| partus editus, priuilegium cessabit. Diuus Marcus ita edixit: Creditor, qui ob restitutionem | 1.1 |
| 'aedificiorum crediderit, in pecunia, quae credita erit, priuilegium exigendi habebit'. quod | |
| ad eum quoque pertinet, qui redemptori domino mandante pecuniam subministrauit. In | 2.1 |
| bonis mensularii uendundis post priuilegia potiorem eorum causam esse | |
| placuit, qui pecunias apud mensam fidem publicam secuti deposuerunt. sed enim qui de- | |
| positis nummis usuras a mensulariis acceperunt a ceteris creditoribus non separantur, et | |
| merito: aliud est enim credere, aliud deponere. si tamen nummi exstent, uindicari eos | 5 |
| posse puto a depositariis et futurum eum qui uindicat ante priuilegia. Eorum ratio prior | 3.1 |
| est creditorum, quorum pecunia ad creditores priuilegiarios peruenit. peruenisse autem | |
| quemadmodum accipimus, utrum si statim profecta est ab inferioribus ad priuilegiarios an | |
| uero et si per debitoris personam, hoc est si ante ei numerata sit et sic debitoris facta | |
| creditori priuilegiario numerata est? quod quidem potest benigne dici, si modo non post | 5 |
| aliquod interuallum id factum sit. | |
| Idem libro sexagesimo quarto ad edictum. Ait praetor: 'Quod postea con- | 25.pr.1 |
| tractum erit, quam is, cuius bona uenierint, consilium receperit fraudare, sciente eo qui | |
| contraxerit, ne actio eo nomine detur'. | |
| Paulus libro sexto decimo breuis edicti. Qui in nauem exstruendam uel in- | 26.pr.1 |
| struendam credidit uel etiam emendam, priuilegium habet. | |
| Ulpianus libro primo de officio consulis. Si magistratus fideicommissi ser- | 27.pr.1 |
| uandi causa in possessionem miserint, dare arbitrum possunt ad ea distrahenda, quae mora | |
| deteriora futura sunt, ita ut pretium ex his redactum apud fideicommissarium in causa de- | |
| positi sit, donec de fideicommisso quod ei debetur constet. | |
| Iauolenus libro primo epistularum. Pater familias impuberi filio, si ante | 28.pr.1 |
| pubertatem decessisset, substituit heredem: is filius paterna hereditate se abstinuit ideoque | |
| bona patris uenierunt: postea filio hereditas obuenit, qua adita decessit. quaero, cum | |
| praetor in ipsum pupillum, quamuis postea hereditas obuenisset, creditoribus tamen patris | |
| actionem non daret, an in substitutum creditoribus patris danda sit actio, cum ex bonis | 5 |
| paternis, quae scilicet ad creditores missos <in> bona pertinent, nihil adquirat et cum credi- | |
| tores nihil iuris in bonis pupilli habuerint eorumque nihil interfuerit, adiretur necne pupilli | |
| hereditas, cum ea bona omissa a substituto hereditate ad creditores non pertinebant. me | |
| illud maxime mouet, quod praeceptoribus tuis placet unum esse testamentum. respondit: | |
| quod praetor filio, qui a paterna hereditate se abstinet, praestat, ne bonis patris eius uen- | 10 |
| ditis in eum actio detur, tametsi postea ei hereditas obuenit, creditoribus non reddat, idem | |
| in substituto filio herede seruandum non est, quoniam filii pudori parcitur, ut potius patris | |
| quam eius bona ueneant, itaque in id, quod postea ei obuenit, actio creditoribus denegatur, | |
| quia id ex aduenticio adquisitum est, non per patrem ad eum peruenit. at cum substitutus | |
| filio hereditatem adiit, postquam pupillus se paternae miscuerit hereditati, tunc hereditas | 15 |
| et patris et filii una est et in omni aere alieno, quod aut patris aut filii fuerit, etiam in- | |
| uitus heres obligatur: et quemadmodum liberum ei non est obligationem, ut non omni- | |
| modo, si non defenditur, ipsius bona ueneant, ita ne separare quidem aes alienum patris | |
| et filii poterit: quo casu efficietur, ut creditoribus in eum actio dari debeat. quod si sub- | |
| stitutus heres hereditatem non adierit, creditoribus patris in id, quod pupillus reliquit, actio | 20 |
| dari non debet, quoniam neque pupilli bona uenire debent propter aes alienum patris neque | |
| in bonis patris est quod pupillus adquisiit. | |
| Paulus libro quinto ad legem Iuliam et Papiam. Fufidius refert statuas in | 29.pr.1 |
| publico positas bonis distractis eius, cuius in honorem positae sunt, non esse emptoris | |
| bonorum eius, sed aut publicas, si ornandi municipii causa positae sint, aut eius, cuius | |
| in honorem positae sint: et nullo modo eas detrahi posse. | |
| Papirius Iustus libro primo de constitutionibus. Imperatores Antoninus et | 30.pr.1 |
| Uerus Augusti rescripserunt eos, qui bona sua negant iure uenisse, praeiudicio experiri | |
| debere et frusta principem desiderare rescindi uenditionem. | |
| Ulpianus libro secundo de omnibus tribunalibus. Si creditores heredem | 31.pr.1 |
| suspectum putent, satisdationem exigere possunt pro suo debito reddendo. cuius rei gratia | |
| cognoscere praetorem oportet nec statim eum satisdationis necessitati subicere debet, nisi | |
| causa cognita constiterit prospici debere his, qui suspectum eum postulauerunt. Sed | 1.1 |
| suspectu<s> heres non isdem modis, quibus suspectus tutor aestimatur: siquidem tutorem | |
| non facultates, sed fraudulenta in rebus pupillaribus <et> callida conuersatio suspectum com- | |
| mendet, heredem uero solae facultates. Plane in recenti aditae hereditatis audiendi erunt, | 2.1 |
| qui suspectum postulant: ceterum si probentur passi eum in hereditate morari nec quic- | |
| quam possint obicere criminis quasi dolose uersato eo, non debebit post multum temporis | |
| ad hanc necessitatem compelli. Quod si suspectus satisdare iussus decreto praetoris non | 3.1 |
| obtemperauerit, tunc bona hereditatis possider<i> uenumque dari ex edicto suo permittere | |
| iubebit. Plane si doceatur nihil ex bonis alienasse nec sit quod ei iuste praeter pauper- | 4.1 |
| tatem obiciatur, contentus esse praetor debet, ut iubeat eum nihil minuere. Quod si nec | 5.1 |
| inopia laborantem eum creditores ostendere potuerint, iniuriarum actione ei tenebuntur. | |
| Paulus libro singulari regularum. Priuilegia non ex tem- | 32.pr.1 |
| pore aestimantur, sed ex causa, et si eiusdem tituli fuerunt, concurrunt, licet diuersitates | |
| temporis in his fuerint. | |
| Ulpianus libro tertio regularum. Si pupillus ex contractu suo non defen- | 33.pr.1 |
| datur ideoque bona eius creditores possidere coeperint, deminutio ex his bonis fieri debet | |
| uescendi pupilli causa. Defendere debitorem sicut ante, quam bona eius possiderentur, | 1.1 |
| licet, ita post bonorum quoque possessionem eius, siue ipse sui, siue alius defensionem | |
| eius suscipiat, debet satisdare, ut satisdatione interposita iudicium accipiatur et a posses- | |
| sione discedatur. | |
| Marcianus libro quinto regularum. Quod quis nauis fabricandae uel emen- | 34.pr.1 |
| dae uel armandae uel instruendae causa uel quoque modo crediderit uel ob nauem uen- | |
| ditam petat, habet priuilegium post fiscum. | |
| Idem libro singulari ad formulam hypothecariam. Eum, qui in possessionem | 35.pr.1 |
| missus sit eius, qui rei publicae causa afuit, si apparuerit eum dolo molo rei publicae | |
| causa abesse, iure in possessione esse placet, donec solidum soluatur: eum autem, qui | |
| rerum eius, qui sine dolo malo rei publicae causa afuit, in possessionem missus sit, pignus | |
| non contrahere et ideo discedere oportere de possessione. | 5 |
| Ulpianus libro quadragesimo quinto ad Sabinum. Eum, qui circa columnas | 36.pr.1 |
| se occultet, ut creditorem euitet, latitare placet: nam et eum, qui recedit, hoc est <qui> | |
| supterfugit, ne secum aliqua actio moueatur, latitare placet: tam et qui urbe profugit, | |
| utique fraudandi causa: nec enim interest, quod attinet ad latitandum, utrum quis pro- | |
| fugerit an uero Romae agens copiam sui non facit. | 5 |
| Papinianus libro decimo responsorum. Antiochensium Coelae Syriae ciuitati, | 37.pr.1 |
| quod lege sua priuilegium in bonis defuncti debitoris accepit, ius persequendi pignoris | |
| durare constitit. | |
| Paulus libro primo sententiarum. Bonis uenditis excipiuntur con- | 38.pr.1 |
| cubina et liberi naturales. Res publica creditrix omnibus chirographariis creditoribus | 1.1 |
| praefertur. | |
| Idem libro quinto sententiarum. Pupillus si non defendatur, in pos- | 39.pr.1 |
| sessione creditoribus constitutis minoribus, ex his usque ad pubertatem alimenta prae- | |
| standa sunt. Eius, qui ab hostibus captus est, bona uenire non possunt, quam- | 1.1 |
| diu reuertatur. |