| SI EX NOXALI CAUSA AGATUR, QUEMADMODUM | |
| CAUEATUR | |
| Ulpianus libro septimo ad edictum. Si quis eum, de quo noxalis actio est, | 2.9.1.pr.1 |
| iudicio sisti promisit, praetor ait in eadem causa eum exhibere, in qua tunc est, donec | |
| iudicium accipiatur. 'In eadem causa' quid sit, uideamus: et puto ueris eum uideri in | 1.1 |
| eadem causa <sistere>, qui ad experiendum non facit ius actoris deterius. si de<si>nat seruus | |
| esse promissoris uel actio amissa sit, non uideri in eadem causa statum Labeo ait: uel si | |
| qui pari loco erat in litigando, coepit esse in duriore, uel loco uel persona mutata: itaque | |
| si quis ei qui in foro promissoris conueniri non potest uenditus aut potentiori datus sit, | 5 |
| magis esse putat, ut non uideatur in eadem causa sisti. sed et si noxae deditus sit, Ofilius | |
| non putat in eadem causa sisti, cum noxae deditione ceteris noxalem actionem peremi putat. | |
| Paulus libro sexto ad edictum. Sed alio iure utimur. nam ex preceden- | 2.pr.1 |
| tibus causis non liberatur noxae deditus: perinde enim noxa caput sequitur, ac si uenisset. | |
| Si absens sit seruus, pro quo noxalis actio alicui competit: si quidem dominus | 1.1 |
| non negat in sua potestate esse, compellendum putat Uindius uel iudicio eum sisti pro- | |
| mittere uel iudicium accipere, aut, si nolit defendere, cauturum, cum primum potuerit, se | |
| exhibiturum: sin uero falso neget in sua potestate esse, suscepturum iudicium sine noxae | |
| deditione. idque Iulianus scribit et si dolo fecerit, quominus in eius esset potestate. sed | 5 |
| si seruus praesens est, dominus abest nec quisquam seruum defendit, ducendus erit iussu | |
| praetoris: sed causa cognita domino postea dabitur defensio, ut Pomponius et Uindius | |
| scribunt, ne ei absentia sua noceat: ergo et actori actio restituenda est, perempta eo quod | |
| ductus seruus in bonis eius esse coepit. | |
| Ulpianus libro septimo ad edictum. Si cum usufructuario noxali iudicio age- | 3.pr.1 |
| tur isque seruum non defenderit, denegatur ei per praetorem usus fructus persecutio. | |
| Gaius libro sexto ad edictum prouinciale. Si cum uno ex dominis noxalis | 4.pr.1 |
| agetur, an pro parte socii satisdare deberet? Sabinus ait non debere: quia quodammodo | |
| totum suum hominem defenderet, cui in solidum defendendi necessitas esset, nec auditur, | |
| si pro parte paratus sit defendere. | |
| Ulpianus libro quadragensimo septimo ad Sabinum. Si seruum in eadem | 5.pr.1 |
| causa sistere quidam promiserit et liber factus sistatur: si de ipso controuersia est capi- | |
| talium actionum iniuriarumque nomine, non recte sistitur: quia aliter de seruo supplicium | |
| et uerberibus de iniuria satisfit, aliter de libero uindicta sumitur uel condemnatio pecu- | |
| niaria. quod autem ad ceteras noxales causas pertinet, etiam in meliorem causam uidetur | 5 |
| peruenisse. | |
| Paulus libro undecimo ad Sabinum. Sed si statu liberum sisti promissum sit, | 6.pr.1 |
| in eadem causa sisti uidetur, quamuis liber sistatur, quod implicitus ei casus libertatis fuerit. |