| NE QUID IN LOCO SACRO FIAT | |
| Ulpianus libro sexagensimo octauo ad edictum. Ait praetor: 'In loco sacro | 43.6.1.pr.1 |
| facere inue eum immittere quid ueto'. Hoc interdictum de sacro loco, non de sacrario | 1.1 |
| competit. Quod ait praetor, ne quid in loco sacro fiat, non ad hoc pertinet, quod orna- | 2.1 |
| menti causa fit, sed quod deformitatis uel incommodi. Sed et cura aedium locorumque | 3.1 |
| sacrorum mandata est his, qui aedes sacras curant. | |
| Hermogenianus libro tertio iuris epitomarum. In muris itemque portis et aliis sanctis | 2.pr.1 |
| locis aliquid facere, ex quo damnum aut incommodum irrogetur, non permittitur. | |
| Paulus libro quinto sententiarum. Neque muri neque portae habitari sine permissu | 3.pr.1 |
| principis propter fortuita incendia possunt. |