| DE ABIGEIS | |
| Ulpianus libro octauo de officio proconsulis. De abigeis puniendis ita diuus | 47.14.1.pr.1 |
| Hadrianus consilio Baeticae rescripsit: 'abigei cum durissime puniuntur, ad gladium damnari | |
| solent. puniuntur autem durissime non ubique, sed ubi frequentius est id genus maleficii: | |
| alioquin et in opus et nonnumquam tempor<ar>ium dantur'. Abigei | 1.1 |
| autem proprie hi habentur, qui pecora ex pascuis uel ex armentis subtrahunt et quodam- | |
| modo depraedantur, et abigendi studium quasi artem exercent, equos de gregibus uel boues | |
| de armentis abducentes. ceterum si quis bouem aberrantem uel equos in solitudine re- | |
| lictos abduxerit, non est abigeus, sed fur potius. Sed et qui porcam uel | 2.1 |
| capram uel ueruicem abduxit, non tam grauiter quam qui maiora animalia abigunt, plecti | |
| debent. Quamquam autem Hadrianus metalli poenam, item operis uel etiam | 3.1 |
| gladii praestituerit, attamen qui honestiore loco nati sunt, non debent ad hanc poenam | |
| pertinere, sed aut relegandi erunt aut mouendi ordine. sane qui cum gladio | |
| abigunt, non inique bestiis obiciuntur. Qui pecora, de quorum proprietate faciebat | 4.1 |
| controuersiam, abegit, ut Saturninus quidem scribit, ad examinationem ciuilem remittendus | |
| est. sed hoc ita demum probandum est, si non color abigeatus quaesitus est, sed uere | |
| putauit sua iustis rationibus ductus. | |
| Macer libro primo publicorum iudiciorum. Abigeatus crimen publici iudicii | 2.pr.1 |
| non est, quia furtum magis est. sed quia plerumque abigei et ferro utuntur, si deprehen- | |
| dentur, ideo grauiter et puni<ri> eorum admissum solet. | |
| Callistratus libro sexto de cognitionibus. Oues pro numero abact<a>rum | 3.pr.1 |
| aut furem aut abigeum faciunt. quidam decem oues gregem esse putauerunt: porcos etiam | |
| quinque uel quattuor abactos, equum bouem uel unum abigeatus crimen facere. Eum | 1.1 |
| quoque plenius coercendum, qui a stabulo abegit domitum pecus, non a silua nec grege. | |
| Qui saepius abegerunt, licet semper unum uel alterum pecus subripuerint, tamen abigei | 2.1 |
| sunt. Receptores abigeorum qua poena plecti debeant, epistula diui Traiani ita | 3.1 |
| cauetur, ut extra terram Italiam decem annis relegarentur. |