| AD LEGEM IULIAM DE UI PRIUATA | |
| Marcianus libro quarto decimo institutionum. De ui priuata dam- | 48.7.1.pr.1 |
| nati pars tertia bonorum ex lege Iulia publicatur et cautum est, ne senator sit, ne decurio, | |
| aut ullum honorem capiat, neue in eum ordinem sedeat, neue iudex sit: et uidelicet omni | |
| honore quasi infamis ex senatus consulto carebit. Eadem poena adficiuntur, qui ad poe- | 1.1 |
| nam legis Iuliae de ui priuata rediguntur, et si quis ex naufragio dolo malo quid rapuerit. | |
| sed et ex constitutionibus principum extra ordinem, qui de naufragiis aliquid d<i>ripuerint, | 2.1 |
| puniuntur: nam et diuus Pius rescripsit nullam uim nautis fieri debere et, si quis fecerit, | |
| ut seuerissime puniatur. | |
| Scaeuola libro quarto regularum. Hac lege tenetur, qui | 2.pr.1 |
| conuocatis hominibus uim fecerit, quo quis uerberetur pulsaretur, neque homo occisus erit: | |
| Macer libro primo publicorum. nec interest, liberos an seruos et suos an | 3.pr.1 |
| alienos quis ad uim faciendam conuocauerit. Nec minus hi, qui conuocati sunt, eadem | 1.1 |
| lege tenentur. Sed si nulli conuocati nullique pulsati sint, per iniuriam tamen ex bonis | 2.1 |
| alienis quid ablatum sit, hac lege teneri eum qui id fecerit. | |
| Paulus libro quinquagensimo quinto ad edictum. Legis Iuliae de ui pri- | 4.pr.1 |
| uata crimen committitur, cum coetum aliquis et concursum fecisse dicitur, quo minus quis | |
| in ius produceretur. Et si quis quaestionem de alterius seruo habuisset: et ideo mo- | 1.1 |
| deratius edicto praetoris de iniuriis utendum esse Labeo ait. | |
| Ulpianus libro sexagensimo nono ad edictum. Si quis aliquem deiecit ex | 5.pr.1 |
| agro suo hominibus congregatis sine armis, uis priuatae postulari possit. | |
| Modestinus libro octauo regularum. Ex senatus consulto Uolusiano, qui | 6.pr.1 |
| inprobe coeunt in alienam litem, ut, quidquid ex condemnatione in rem ipsius redactum | |
| fuerit, inter eos communicaretur, lege Iulia de ui priuata tenentur. | |
| Callistratus libro quinto de cognitionibus. Creditores si aduersus debi- | 7.pr.1 |
| tores suos agant, per iudicem id, quod deberi sibi putant, reposcere debent: alioquin si | |
| in rem debitoris sui intrauerint id nullo concedente, diuus Marcus decreuit ius crediti eos | |
| non habere. uerba decreti haec sunt. 'Optimum est, ut, si quas putas te habere | |
| petitiones, actionibus experiaris: interim ille in possessione debet morari, tu petitor es.' | 5 |
| et cum Marcianus diceret: 'uim nullam feci': Caesar dixit: 'tu uim putas esse solum, si | |
| homines uulnerentur? uis est et tunc, quotiens quis id, quod deberi sibi putat, non per | |
| iudicem reposcit. non puto autem nec uerecundiae nec dignitati nec pietati tuae conuenire | |
| quicquam non iure facere. quisquis igitur probatus mihi fuerit rem ullam debitoris non | |
| ab ipso sibi traditam sine ullo iudice temere possidere, eumque sibi ius in eam rem | 10 |
| dixisse, ius crediti non habebit'. | |
| Modestinus libro secundo de poenis. Si creditor sine auctoritate iudicis | 8.pr.1 |
| res debitoris occupet, hac lege tenetur et tertia parte bonorum multatur et infamis fit. |