| DE FUGITIUIS | |
| Ulpianus libro primo ad edictum. Is qui fugitiuum celauit fur est. Se- | 11.4.1.1.1 |
| natus censuit, ne fugitiui admittantur in saltus neque protegantur a uilicis uel procurato- | |
| ribus possessorum et multam statuit: his autem, qui intra uiginti dies fugitiuos uel dominis | |
| reddidissent uel apud magistratus exhibuissent, ueniam in ante actum dedit: sed | |
| et deinceps eodem senatus consulto impunitas datur ei, qui intra praestituta tempora, quam | 5 |
| repperit fugitiuos in agro suo, domino uel magistratibus tradiderit. Hoc autem senatus | 2.1 |
| consultum aditum etiam dedit militi uel pagano ad inuestigandum fugitiuum in praedia | |
| senatorum uel paganorum (cui rei etiam lex Fabia prospexerat et senatus consultum | |
| Modesto consule factum), ut fugitiuos inquirere uolentibus litterae ad magistratus dentur, | |
| multa etiam centum solidorum in magistratus statuta, si litteris acceptis inquirentes non | 5 |
| adiuuent. sed et in eum, qui quaeri apud se prohibuit, eadem poena statuta. est etiam | |
| generalis epistula diuorum Marci et Commodi, qua declaratur et praesides et magistratus | |
| et milites stationarios dominum adiuuare debere inquirendis fugitiuis, et ut inuentos red- | |
| derent, et ut hi, apud quos delitescant, puniantur, si crimine contingantur. Unusquisque | 3.1 |
| eorum, qui fugitiuum adpraehendit, in publicum deducere debet. Et merito monentur ma- | 4.1 |
| gistratus eos diligenter custodire, ne euadant. Fugitiuum accipe et si quis erro sit. fugi- | 5.1 |
| tiui autem appellatione ex fugitiua natum non contineri Labeo libro primo ad edictum | |
| scribit. In publicum deduci intelleguntur qui magistratibus municipalibus traditi sunt uel | 6.1 |
| publicis ministeriis. | |
| Diligens custodia etiam uincire permittit. | 7.1 |
| Tamdiu autem custodiuntur, | 8.1 |
| quamdiu ad praefectum uigilum uel ad praesidem deducantur. Eorumque nomina et notae | 8a.1 |
| et cuius se quis esse dicat ad magistratus deferantur, ut facilius adgnosci et percipi fugi- | |
| tiui possint (notae autem uerbo etiam cicatrices continentur): idem iuris est, si haec in | |
| scriptis publice uel in aedes proponas. | |
| Callistratus libro sexto cognitionum. Fugitiui simplices dominis reddendi | 2.pr.1 |
| sunt: sed si pro libero se gesserint, grauius coerceri solent. | |
| Ulpianus libro septimo de officio proconsulis. Diuus Pius rescripsit eum, qui | 3.pr.1 |
| fugitiuum uult requirere in praediis alienis, posse adire praesidem litteras ei daturum et, si | |
| ita res exegerit, apparitorem quoque, ut ei permittatur ingredi et inquirere, et poenam eundem | |
| praesidem in eum constituere, qui inquiri non permisserit. sed et diuus Marcus oratione, | |
| qua<m> in senatu recitauit, facultatem dedit ingrediendi tam Caesaris quam senatorum et paga- | 5 |
| norum praedia uolentibus fugitiuos inquirere scrutarique cubilia atque uestigia occultantium. | |
| Paulus libro primo sententiarum. Limenarchae et stationarii fugitiuos deprae- | 4.pr.1 |
| hensos recte in custodiam retinent. magistratus municipales ad officium praesidis prouinciae | |
| uel proconsulis conpraehensos fugitiuos recte transmittunt. | |
| Tryphoninus libro primo disputationum. Si in harenam fugitiuus seruus se | 5.pr.1 |
| dederit, ne isto quidem periculo, discriminis uitae tantum, sibi irrogato potestatem domini | |
| euitare poterit: nam diuus Pius rescripsit omnimodo eos dominis suis reddere siue ante | |
| pugnam ad bestias siue post pugnam, quoniam interdum aut pecunia interuersa aut com- | |
| misso aliquo maiore maleficio ad fugiendam inquisitionem uel iustitiam animaduersionis | 5 |
| in harenam se dare mallent. reddi ergo eos oportet. |