| CICERO ACILIO PRO COS. S. | |
| In Halaesina civitate tam lauta tamque nobili coniunctis- | 13.32.1.1 |
| simos habeo et hospitio et familiaritate M. et C. Clodios | |
| Archagathum et Philonem. sed vereor ne, quia compluris | |
| tibi praecipue commendo, exaequare videar ambitione | |
| quadam commendationes meas; quamquam a te quidem | 5 |
| cumulate satis fit et mihi et meis omnibus. sed velim sic | 2.1 |
| existimes, hanc familiam et hos mihi maxime esse coniunctos | |
| vetustate, officiis, benevolentia. quam ob rem peto a te in | |
| maiorem modum ut iis omnibus in rebus, quantum tua | |
| fides dignitasque patietur, commodes. id si feceris, erit | 5 |
| mihi vehementissime gratum. |