| ex. Mai.(?) 44 | |
| CICERO TIRONI S. | |
| Tu vero confice professionem, si potes (etsi haec pecunia ex | 16.23.1.1 |
| eo genere est ut professione non egeat, verum tamen). | |
| Balbus ad me scripsit tanta se ἐπιφορᾷ oppressum ut loqui | |
| non possit. Antonius de lege quod egerit. liceat modo rusticari. | |
| ad Bithynicum scripsi. | 5 |
| De Servilio tu videris, qui senectutem non contemnis. etsi | 2.1 |
| Atticus noster, quia quondam me commoveri πανικοῖς | |
| intellexit, idem semper putat nec videt quibus praesidiis | |
| philosophiae saeptus sim; et hercle, quod timidus ipse est, | |
| θορυβοποιεῖ. ego tamen Antoni inveteratam sine ulla | 5 |
| offensione amicitiam retinere sane volo scribamque ad eum, | |
| sed non ante quam te videro. nec tamen te avoco a syn- | |
| grapha; γόνυ κνήμης. cras exspecto Leptam et †n.†, ad | |
| cuius rutam puleio mihi tui sermonis utendum est. | |
| Vale. | 10 |