| vi vel v Id. Mart. 49 Romae | |
| BALBVS ET OPPIVS S. D. M. CICERONI | |
| Nedum hominum humilium, ut nos sumus, sed etiam am- | 9.7a.1.1 |
| plissimorum virorum consilia ex eventu, non ex voluntate | |
| a plerisque probari solent. tamen freti tua humanitate quod | |
| verissimum nobis videbitur de eo quod ad nos scripsisti tibi | |
| consilium dabimus. quod si non fuerit prudens, at certe ab | 5 |
| optima fide et optimo animo proficiscetur. | |
| Nos si id quod nostro iudicio Caesarem facere oportere | |
| existimamus, ut, simul Romam venerit, agat de reconciliatione | |
| gratiae suae et Pompei, id eum facturum ex ipso cognovisse- | |
| mus, <non desineremus> te hortari ut velles iis rebus interesse, | 10 |
| quo facilius et maiore cum dignitate per te, qui utrique es | |
| coniunctus, res tota confieret; aut si ex contrario putaremus | |
| Caesarem id non facturum et etiam velle cum Pompeio | |
| bellum gerere sciremus, numquam tibi suaderemus contra | |
| hominem optime de te meritum arma ferres, sicuti te semper | 15 |
| oravimus ne contra Caesarem pugnares. sed cum etiam nunc | 2.1 |
| quid facturus Caesar sit magis <sit> opinari quam scire, non | |
| possumus nisi hoc, non videri eam tuam esse dignitatem | |
| neque fidem omnibus cognitam ut contra alterutrum, cum | |
| utrique sis maxime necessarius, arma feras, et hoc non | 5 |
| dubitamus quin Caesar pro sua humanitate maxime sit pro- | |
| baturus. nos tamen, si tibi videbitur, ad Caesarem scribemus | |
| ut nos certiores faciat quid <in> hac re acturus sit. a quo si erit | |
| nobis rescriptum, statim quid sentiamus ad te scribemus et | |
| tibi fidem faciemus nos ea suadere quae nobis videntur tuae | 10 |
| dignitati, non Caesaris actioni esse utilissima; et hoc Caesarem | |
| pro sua indulgentia in suos probaturum putamus. |