| c. vii Kal. Sept. 45 Asturae | |
| <CICERO ATTICO SAL.> | |
| Asturam veni viii Kal. H. xii. vitandi enim caloris causa Lanuvi | 13.34.1.1 |
| tris horas acquieveram. tu velim, si grave non erit, efficias ne | |
| ante Nonas mihi illuc veniendum sit (id potes per Egnatium | |
| Maximum), illud in primis ut cum Publilio me [apene] | |
| absente conficias. de quo quae fama sit scribes. 'id populus | 5 |
| curat scilicet!' non mehercule arbitror; etenim haec decantata | |
| erat fabula. sed complere paginam volui. quid plura? ipse | |
| enim adsum, nisi quid tu prorogas. scripsi enim ad te de hortis. |