viii vel vii Id. Nov. 44
<CICERO ATTICO SAL.>
Oppi epistulae, quia perhumana erat, tibi misi exemplum. de 16.12.1.1
Ocella, dum tu muginaris nec mihi quicquam rescribis, cepi
consilium domesticum, itaque me prid. Id. arbitror Romae
futurum. commodius est visum frustra me istic esse, cum id non
necesse esset, quam, si opus esset, non adesse, et simul ne 5
intercluderer metuebam. ille enim iam adventare potest; etsi varii
rumores multique quos cuperem veros, nihil tamen certi. ego
vero, quicquid est, tecum potius quam animi pendeam, cum a
te absim, et de te et de me. sed quid tibi dicam? κοινὸν enim.
de Ἡρακλειδείῳ Varronis negotia salsa. me quidem nihil 10
umquam sic delectavit. sed haec et alia maiora coram.