c. xiv Kal. Dec.(?) 56 Anti vel in Tusculano
<CICERO ATTICO SAL.>
Apellas vix discesserat, cum epistula. quid ais? putasne fore ut 4.8a.1.1
legem non ferat? dic, oro te, clarius; vix enim mihi exaudisse
videor. verum statim fac ut sciam, si modo tibi est commodum.
ludis quidem quoniam dies est additus, eo etiam melius hic eum
diem cum Dionysio conteremus. 5
  De Trebonio, prorsus tibi adsentior. de Domitio, 2.1
    'σύκῳ, μὰ τὴν Δήμητρα, σῦκον οὐδὲ ἓν
    οὕτως ὅμοιον γέγονεν'
quam est ista περίστασις nostrae, vel quod ab iisdem vel quod
praeter opinionem vel quod viri boni nusquam; unum dissi- 5
mile, quod huic merito. nam de ipso casu nescio an illud melius.
quid enim hoc miserius quam eum qui tot annos quot habet
designatus consul fuerit fieri consulem non posse, praesertim
cum aut solus aut certe non plus quam cum altero petat? si vero
id est, quod nescio an sit, ut non minus longas iam in codicil- 10
lorum fastis futurorum consulum paginulas habeant quam
factorum, quid illo miserius nisi res publica, in qua ne speratur
quidem melius quicquam?
  De Natta ex tuis primum scivi litteris. oderam hominem. 3.1
de poëmate quod quaeris, quid si cupiat effugere? quid? sinam?
de Fabio Lusco quod eram exorsus, homo peramans nostri
semper fuit nec mihi umquam odio. satis enim acutus et per-
modestus ac bonae frugi. eum, quia non videbam, abesse puta- 5
bam: audivi ex Gavio hoc Firmano Romae esse hominem et
fuisse adsiduum. percussit animum. dices 'tantulane causa?'
permulta ad me detulerat non dubia de Firmanis fratribus.
quid sit quod se a me remov<er>it, si modo removit, ignoro.
  De eo quod me mones, ut et πολιτικῶς me geram et τὴν ἔσω 4.1
γραμμὴν teneam, ita faciam. sed opus est maiore prudentia,
quam a te, ut soleo, petam. tu velim ex Fabio, si quem habes
aditum, odorere et istum convivam tuum degustes et ad me de
his rebus et de omnibus cottidie scribas. ubi nihil erit quod 5
scribas, id ipsum scribito. cura ut valeas.