| ab sedendo appellatae sedes, sedile, solium, sellae, siliquastrum; | 5.128.1 |
| deinde ab his subsellium: ut subsipere quod non plane sapit, sic quod | |
| non plane erat sella, subsellium. ubi in eiusmodi duo, bisellium dictum. | |
| arca, quod arcebantur fures ab ea clausa. armarium et armamentarium | |
| ab eadem origine, sed declinata aliter. | 5 |
| mundus muliebris dictus a munditia. ornatus quasi ab ore | 129.1 |
| natus: hinc enim maxime sumitur quod eam deceat. itaque id paratur | |
| speculum. calamistrum, quod his calfactis in cinere capillus ornatur. | |
| qui ea ministrabat, a cinere cinerarius est appellatus. discerniculum, | |
| quo discernitur capillus. pecten, quod per eum explicatur capillus. | 5 |
| speculum a speciendo, quod ibi <s>e spectant. vestis a vellis vel[a] | 130.1 |
| ab eo quod vellus lana tonsa universa ovis. id dictum, quod vellebant. | |
| lan<e>a ex lana facta. quod capillum contineret, dictum a rete reticu- | |
| lum; rete ab raritudine; item texta fasciola, qua capillum in capite | |
| alligarent, dictum capital a capite, quod sacerdotulae in capite etiam | 5 |
| nunc solent habere. sic rica ab ritu, quod Romano ritu sacrificium | |
| feminae cum faciunt, capita velant. mitra et reliqua fere in capite | |
| postea addita cum vocabulis graecis. | |
| prius †de ind[e]utui, tum amictui quae sunt tangam. capi- | 131.1 |
| tium ab eo quod capit pectus, id est, ut antiqui dicebant, comprehendit. | |
| indutui alterum quod subtus, a quo subucula; alterum quod supra, a | |
| quo supparus, nisi id quod item dicunt osce. alterius generis item | |
| duo, unum quod foris ac palam, palla; alterum quod intus, a quo in- | 5 |
| tusium, id quod Plautus dicit: 'intusiatam patagiatam cal- | |
| tulam ac crocotulam.' multa post luxuria attulit, quorum vocabula | |
| apparet esse graeca, ut asbest<in>on. amictui dictum quod amiectum est, | 132.1 |
| id est circumiectum, a quo etiam quo[d] vestitas se involvunt, circum- | |
| iectui appellant, et quod amictui habet purpuram circum, vocant cir- | |
| cumtextum. antiquissimi amictui ricinium; id, quod eo utebantur du- | |
| plici, ab eo quod dimidiam partem retrorsum iaciebant, ab reiciendo | 5 |
| ricinium dictum. hinc quod facta duo simplicia paria, parilia primo | 133.1 |
| dicta, R exclusum propter levitatem. parape[c]chia, clamides, sic multa, | |
| graeca. l<a>ena, quod de lana multa, duarum etiam togarum instar; | |
| ut antiquissimum mulierum ricinium, sic hoc duplex virorum. |